ప్రత్యేక జాగ్రత్తలతో పింఛన్ల పంపిణీ

అమరావతి: ప్రస్తుతం రాష్ట్రంలో కరోనా వైరస్‌ విజృంభిస్తున్న నేపథ్యంలో ఈనెల లబ్ధిదారులకు పింఛను పంపిణీకి ప్రభుత్వం ప్రత్యేక ఏర్పాటు చేసింది. ఇందులో భాగంగానే వాలంటీర్లు ఇంటింటికీ వెళ్లి లబ్ధిదారులకు పింఛన్లు అందజేశారు. ఉదయం 6గంటల నుంచే పంపిణీ కార్యక్రమాన్ని చేపట్టారు. కరోనా వ్యాప్తి చెందకుండా ప్రత్యేక జాగ్రత్తలు తీసుకుంటూ పింఛన్లు పంపిణీ చేశారు. వేలిముద్ర స్థానంలో ఫొటో గుర్తింపుతో పింఛన్లు అందజేశారు. ఉదయం 9గంటల కల్లా 65శాతం పింఛన్లు లబ్ధిదారులకు పింపిణీ చేశారు. మొత్తం 59 లక్షల పింఛన్లు పంపిణీ చేసేందుకు ఏర్పాట్లు చేసినట్లు అధికారులు తెలిపారు.