Published : 02/06/2020 01:59 IST

అంతరిక్షంలో ఆటబొమ్మ! ఎలావెళ్లిందంటే..

ఇంటర్నెట్‌ డెస్క్‌: అమెరికాకు చెందిన వ్యోమగాములు డగ్‌ హర్లీ, బాబ్‌ బెంకెన్‌లు అంతరిక్ష నౌక క్రూ డ్రాగన్‌ ద్వారా అంతర్జాతీయ అంతరిక్ష కేంద్రానికి చేరిన సంగతి తెలిసిందే. దీనితో మానవులను రోదసిలోకి తరలించిన తొలి ప్రైవేటు సంస్థగా అమెరికన్‌ సాంకేతిక దిగ్గజం స్పేస్‌ ఎక్స్‌ చరిత్ర సృష్టించింది. ఈ అంతరిక్ష యాత్రకు సంబంధించిన వీడియోలను ప్రపంచ వ్యాప్తంగా కొన్ని కోట్ల మంది వీక్షించారు. అయితే, దీనిలో ఓ విశేషం నెటిజన్ల దృష్టిని ఆకర్షించింది. ఆ వీడియోల్లో కనబడిన ఓ డైనోసార్‌ బొమ్మ సోషల్‌ మీడియాలో చర్చనీయాంశమైంది.
దీనిని గురించి వ్యోమగాముల్లో ఒకరైన బెంకెన్‌ మాట్లాడుతూ...  ‘జీరో గ్రావిటీ ఇండికేటర్‌’గా వాడేందుకు దానిని తన కుమారుడి వద్ద నుంచి తీసుకున్నానని వివరణ ఇచ్చారు. అంతరిక్ష ప్రయాణాల్లో ఆటబొమ్మలను తీసుకెళ్లటం ఇదే తొలిసారి కాదు. మార్చి 2019లో జరిగిన ప్రయోగాత్మక మానవ రహిత క్రూ డ్రాగన్‌ అంతరిక్ష యాత్రలో...భూగోళం ఆకారంలో ఉన్న ఓ స్టఫ్డ్ టాయ్‌ని ఉపయోగించినట్టు స్పేస్‌ ఎక్స్‌ సీఈఓ ఎలాన్‌ మస్క్‌ తెలిపారు.

 


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని