24 గంటల్లో కరోనా ఫలితాలు తారుమారు

 ఒకసారి పాజిటివ్‌, మరోసారి నెగెటివ్‌

మొయినాబాద్‌, న్యూస్‌టుడే: ఓ మహిళకు 24 గంటల వ్యవధిలో ఒకసారి కరోనా పాజిటివ్‌, మరోసారి నెగెటివ్‌ రావడం చర్చనీయాంశమైంది. రంగారెడ్డి జిల్లా మొయినాబాద్‌ మండలంలో ఓ గ్రామానికి చెందిన మహిళ (65)కు ఓ ప్రైవేటు ఆస్పత్రిలో పరీక్షలు నిర్వహించగా ఈనెల 21న పాజిటివ్‌గా తేలింది. వెంటనే వైద్యాధికారులు, పంచాయతీ పాలకవర్గం సదరు గ్రామంలో కంటెయిన్‌మెంట్‌ జోన్‌ను ప్రకటించారు. అయితే ఎలాంటి లక్షణాలు లేకపోయినా పాజిటివ్‌ రావడంతో అనుమానంతో మరో ప్రైవేటు ఆసుపత్రిలో పరీక్షలు చేయించుకుంటే 22న నెగిటివ్‌ అని తేలింది. దీనిపై అధికారిక సమాచారం రాలేదని మండల వైద్యాధికారిణి డా.రోహిణి తెలిపారు.