పోషణ భారం.. పక్షుల బేరం

ఆయనో పక్షి ప్రేమికుడు. అయిదేళ్లుగా బజిజ్‌, ఆఫ్రికన్‌ ఫిషర్‌, కాక్‌టైల్‌, జావా, ఫించెస్‌ వంటి పలు రకాల పక్షులను సేకరించి ఇంటి వద్దే పెంచుతున్నారు. ప్రస్తుతం కరోనా మహమ్మారితో తన జీవనోపాధి దెబ్బతిందని, పక్షుల పోషణ భారంగా మారిందని చెబుతున్నారు. చేసేదేమీ లేక స్థానిక పార్కు వద్ద ఆదివారాల్లో ఆ పక్షులను విక్రయిస్తున్నట్లు వాపోయారు. ఆదిలాబాద్‌ పట్టణంలోని ఇందిరానగర్‌కు చెందిన అబ్దుల్‌ రషీద్‌ కథ ఇది. టెంట్‌హౌస్‌ నిర్వహిస్తూ జీవనోపాధి పొందుతున్న ఆయన, తను పెంచుతున్న పక్షుల సంరక్షణకు నెలకు రూ.40 వేల వరకు ఖర్చు చేస్తున్నట్లు చెప్పారు. కరోనాతో తన జీవనోపాధే కష్టంగా మారిందని ఆవేదన వ్యక్తం చేశారు.

- ఈనాడు, ఆదిలాబాద్‌