TS News: 8 మంది ఐఏఎస్‌ అధికారుల బదిలీ

హైదరాబాద్‌: రాష్ట్రంలో ఎనిమిది మంది ఐఏఎస్‌లను బదిలీ చేస్తూ తెలంగాణ ప్రభుత్వం ఉత్తర్వులు జారీచేసింది. ఈపీటీఆర్‌ఐ డైరెక్టర్‌ జనరల్‌గా వాణీప్రసాద్‌ను నియమించింది. అలాగే, పబ్లిక్‌ ఎంటర్‌ప్రైజెస్‌ విభాగం కార్యదర్శిగా నిర్మల, విపత్తు నిర్వహణ శాఖ కార్యదర్శిగా మణిక్కరాజ్‌, జీహెచ్‌ఎంసీ అదనపు కమిషనర్లుగా పౌసుమి బసు, శ్రుతి ఓజా, విద్యాశాఖ ఉప కార్యదర్శిగా హరిత, ఎంసీహెచ్‌ఆర్‌డీ డైరెక్టర్‌ జనరల్‌గా అనితా రాజేంద్ర, పశుసంవర్ధక శాఖ ప్రత్యేక కార్యదర్శిగా అధర్‌ సిన్హాలను నియమిస్తూ ప్రభుత్వ ప్రధాన కార్యదర్శి సోమేశ్‌ కుమార్‌ గురువారం ఉత్తర్వులు విడుదల చేశారు.