పైత్యం పీక్స్: చుట్టు కొలతలతో పెళ్లి ప్రకటన.. వరుడిపై నెటిజన్ల ఫైర్!
అమ్మాయి చుట్టుకొలతలతో సహా ఓ పెళ్లి ప్రకటన ఆన్లైన్లో పెట్టాడు. ఇది చూసిన ప్రతి ఒక్కరూ అతడిపై మండిపడుతున్నారు. ప్రస్తుతం ఇది సోషల్మీడియాలో వైరల్గా మారింది.
ఇంటర్నెట్ డెస్క్: అమ్మాయి మరీ తెల్లగా కాకపోయినా ఓ మాదిరిగా ఉన్నా చాలు. మరీ సన్నగా, మరీ లావుగా కాకుండా ఉంటే మేలు. అన్నింటి కన్నా ముఖ్యంగా మా అమ్మానాన్నలను బాగా చూసుకోవాలి.. నన్ను అర్థం చేసుకోవాలి. సాధారణంగా పెళ్లి ప్రకటనలన్నీ ఇలానే ఉంటాయి. పొడవు, రంగు, గుణగణాలు, ఉద్యోగం ఇలా సాగిపోతుంటాయి. కానీ ఓ వరుడు మాత్రం తన పైత్యాన్ని బయటపెట్టాడు. అమ్మాయి చుట్టుకొలతలతో సహా ఓ పెళ్లి ప్రకటన ఆన్లైన్లో పెట్టాడు. ఇది చూసిన ప్రతి ఒక్కరూ అతడిపై మండిపడుతున్నారు. ప్రస్తుతం ఇది సోషల్మీడియాలో వైరల్గా మారింది.
బెటర్హాఫ్ అనే మ్యాట్రిమొనీ వెబ్సైట్లో ఇటీవల ఓ వ్యక్తి పెళ్లి ప్రకటన ఇచ్చాడు. అందులో తనకు కావాల్సిన వధువుకు ఉండాల్సిన లక్షణాలను పొందుపరిచాడు. ఇక్కడే శ్రుతిమించి ప్రవర్తించాడు. అమ్మాయి ఇంత ఎత్తుండాలి.. నడుము చుట్టు కొలత అంతుండాలి.. పాదం సైజు అంతే ఉండాలి అంటూ రాసుకుంటూ పోయాడు. 18-26 మధ్య వయసుండాలి అని పేర్కొనడంతో పాటు బ్రా సైజు కూడా ప్రస్తావించడం నెటిజన్ల విమర్శలు ఎదుర్కోవాల్సి వచ్చింది. రెడిట్లో ఎవరో పోస్ట్ చేయడంతో ఈ విషయం వెలుగులోకి వచ్చింది. ఇదేం పెళ్లి ప్రకటన అంటూ కొందరు మండిపడ్డారు. ‘ఇతడు పెళ్లి కొడుకా.. లేడీస్ టైలరా’ అంటూ ఓ వ్యక్తి కామెంట్ చేశాడు. దీనిపై ఓ వ్యక్తి మ్యాట్రిమొనీకి ఫిర్యాదు చేయడంతో తమ నియమ నిబంధనలను ఉల్లంఘించినందుకు అతడిపై తగిన చర్యలు తీసుకుంటామని ఆ వెబ్సైట్ పేర్కొంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విశాఖ-బెంగళూరు మధ్య ప్రత్యేక రైలు
వేసవిలో ప్రయాణికుల రద్దీని దృష్టిలో ఉంచుకొని విశాఖ- బెంగళూరు మధ్య ప్రత్యేక రైళ్లను నడపనున్నట్లు వాల్తేర్ సీనియర్ డీసీఎం ఎ.కె.త్రిపాఠి తెలిపారు. -
పెళ్లి ఘట్టం.. క్యూఆర్ కోడ్లో నిక్ష్లిప్తం
రాజమహేంద్రవరానికి చెందిన అలికాని సత్యశివకుమార్(శివస్వామి), దుర్గాభవానీలు వినూత్న ప్రయత్నం చేశారు. -
మీమ్స్ తో ప్రచారం.. యువ ఓటర్లకు గాలం
ఎన్నికల్లో గెలవాలంటే అనర్గళంగా ప్రసంగిస్తూ.. అన్నివర్గాల ఓటర్లను ప్రసన్నం చేసుకోవడం.. గెలిస్తే ఏం చేస్తామో చెప్పడం.. ప్రత్యర్థి పార్టీని విమర్శించడం ఒకప్పటి ప్రచార శైలి.. -
ఓటాస్త్రం.. స్వీయచిత్రమే సాక్ష్యం
ఓరుగల్లు నగరంలో ఓటింగ్ శాతం పెంచేందుకు వరంగల్ కలెక్టరేట్ ఆవరణలో సెల్ఫీ పాయింట్ ఏర్పాటు చేశారు. -
నేటి రాశి ఫలాలు.. 12 రాశుల ఫలితాలు ఇలా... (20/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు