Published : 20/03/2021 15:55 IST

మూగజీవాల సువర్ణ‘అమ్మ’

20 ఏళ్లుగా వానరాలు, శునకాల ఆకలి తీరుస్తున్న మహిళ

బెంగళూరు: ఆమె ఓ సాధారణ గృహిణి. వయసు 70 ఏళ్ల పై మాటే. ముగ్గురు సంతానం. ఇంట్లో తీరిక లేని పని. అయినా 20 ఏళ్లుగా రోజూ 20 కిలోమీటర్లకు పైగా ప్రయాణించి మూగజీవాల ఆకలి తీరుస్తున్నారు కర్ణాటకకు చెందిన సువర్ణమ్మ. నాగయాన్‌పాల్యా ప్రాంతంలో నివసించే సువర్ణమ్మ రెండు దశాబ్దాలుగా మూగజీవాల ఆకలి తీరుస్తున్నారు. సొంతూరుకు 20 కిలోమీటర్ల దూరంలో ఉన్న కొడగండ్లకు రోజూ వెళ్తారు. వెళ్లే దారిలో మూగజీవాల కోసం కూరగాయలు, పండ్లు, ఇతర ఆహార పదార్థాలు కొనుగోలు చేస్తారు. వెంట తీసుకెళ్లిన ఆహార పదార్థాలను ఆక్కడ ఉన్న వానరాలకు, శునకాలకు ప్రేమతో అందిస్తారు. సంచులతో సువర్ణమ్మ రాకను గమనించి అక్కడి వానరాలు ఆమె చుట్టూ చేరి గోల చేస్తాయి. ఆహార పదార్థాలు తీసుకొని చెట్లు, గోడలపై ఎక్కి ఆరగిస్తాయి.

సంచిలో కీర దోస, అరటి పండ్లు, టమాటాలు, బిస్కెట్లు, ఇతర ఆహార వస్తువులు ఉంటాయి. వీటిని అక్కడ ఉన్న కోతులు, శునకాలకు సువర్ణమ్మ అందిస్తున్నారు. అనారోగ్యంగా ఉన్నప్పుడు తప్ప మిగిలిన అన్ని రోజుల్లో క్రమం తప్పకుండా ఇక్కడికి వస్తానని ఆమె చెబుతున్నారు. తాను రాలేనప్పుడు తన భర్త సుబ్బన్న ఇక్కడికి వచ్చి మూగజీవాల ఆకలి తీరుస్తారని పేర్కొన్నారు. మూగజీవాలు ఆకలితో అలమటించి చనిపోతున్నాయని, అందుకే రోజూ వాటి ఆకలి తీర్చేందుకు ఇంతదూరం వస్తున్నానని సువర్ణమ్మ వివరించారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని