Surrogacy: ప్రియాంక ప్రకటన.. ట్రెండింగ్‌లో సరోగసీ..!

ఇంటర్నెట్ డెస్క్‌: సరోగసీ ద్వారా తాము బిడ్డకు జన్మనిచ్చినట్లు ప్రియాంక చోప్రా, నిక్ జొనాస్ దంపతులు ప్రకటించారు. ఇంతకుముందు కూడా ఆమిర్ ఖాన్, షారుక్ ఖాన్, శిల్పా శెట్టి, ప్రీతిజింతా, కరణ్‌ జోహార్ వంటి బాలీవుడ్ ప్రముఖులు కూడా ఈ పద్ధతి ద్వారా తమ కుటుంబంలో తర్వాతి తరాన్ని ఆహ్వానించారు. మంచు లక్ష్మి ఇలానే ఓ బిడ్డకు తల్లయ్యారు. తాజాగా ప్రియాంక సరోగసీ గురించి ప్రకటన చేయగానే.. మరోసారి భారత నెటిజన్లు ఆ అంశం గురించి తెలుసుకోవాలని ప్రయత్నించారు. అకస్మాత్తుగా సరోగసీ పదం గూగుల్‌లో ట్రెండింగ్‌గా మారింది. సరోగసీకి తెలుగు అర్థం ఏంటి, సరోగసీ పనితీరెలా..?, సరోగసీని హిందీలో ఏమంటారు?, బెంగాలీలో ఏమంటారు?.. అంటూ దాని గురించి తెగ వెతికేశారు. ఇక దానితోపాటు ఫెర్టిలిటీ, చైల్డ్ బర్త్‌, అడాప్షన్, టెస్ట్‌ ట్యూబ్ వంటి విషయాల గురించి శోధించారు.