Ts News: ‘మన సంస్కృతి, సంప్రదాయాలను మనమే కాపాడుకోవాలి’: తలసాని

హైదరాబాద్‌: విదేశీ సంస్కృతి వల్ల క్రమంగా సంప్రదాయాలు మర్చిపోతున్నారని.. మన సంస్కృతి, సంప్రదాయాలను మనమే కాపాడుకోవాలని రాష్ట్ర మంత్రి తలసాని శ్రీనివాస్‌యాదవ్‌ తెలిపారు. హైదరాబాద్‌ పీపుల్స్‌ ప్లాజాలో నిర్వహించిన పతంగుల పండుగ సంబురాల్లో తలసాని పాల్గొన్నారు. తెలగు రాష్ట్రాల్లో వైభవంగా జరుపుకొనే పండగ సంక్రాంతి అని పేర్కొన్నారు. పతంగుల పండుగను సంక్రాంతికి ముందు నుంచే జరుపుకుంటారన్నారు. పండగలు, వాటి విశిష్టత గురించి తల్లిదండ్రులు పిల్లలకు వివరించాలన్నారు. పాడి పంటలతో తెలంగాణ రాష్ట్రం సుభిక్షంగా ఉందన్నారు. సంస్కృతి, సంప్రదాయాలను కాపాడుకుంటూ భవిష్యత్ తరాలకు అందజేయాలన్నారు. ప్రజలు సంతోషంగా, ఆయురారోగ్యాలతో సంతోషంగా ఉండాలని ఆకాంక్షించారు.