AP News: 3 నెలల్లో గ్రూప్‌-1 మెయిన్స్‌ ఫలితాలు: ఏపీపీఎస్సీ కార్యదర్శి

అమరావతి: ఏపీలో గ్రూప్‌-1 మెయిన్స్‌ మూల్యంకనంపై ఏపీపీఎస్సీ కార్యదర్శి ఆంజనేయులు వివరణ ఇచ్చారు. హైకోర్టు తీర్పును గౌరవిస్తున్నట్లు తెలిపారు. హైకోర్టు ఆదేశాల మేరకు మాన్యువల్‌గానే మూల్యంకనం చేయనున్నట్లు చెప్పారు. మరోవైపు డిజిటల్‌ మూల్యంకనాన్ని హైకోర్టు తప్పుపట్టలేదని తెలిపారు. ముందే నోటిఫికేషన్‌లో చెప్పనందుకు తప్పుబట్టిందన్నారు. డిజిటల్‌ వాల్యువేషన్‌ పారదర్శకంగా జరిగిందని చెప్పారు. ఉన్నత న్యాయస్థానం తీర్పుపై సుప్రీంకు వెళ్లాలని సూచనలు వచ్చినా తాము ఒప్పకోలేదని వివరించారు. 3 నెలల్లో మూల్యంకనాలు పూర్తి చేసి ఫలితాలిస్తామని ఆంజనేయులు స్పష్టం చేశారు. 190 అసిస్టెంట్‌ ఇంజినీర్‌ పోస్టులకు వారంలో నోటిఫికేషన్‌ ఇవ్వనున్నట్లు తెలిపారు. త్వరలో 670 జూనియర్‌ అసిస్టెంట్స్‌ పోస్టులకు నోటిఫికేషన్ ఇస్తామని ఆయన వివరించారు.