Updated : 06/08/2021 12:16 IST

CM KCR: భావజాల వ్యాప్తికోసం జయశంకర్‌ తన జీవితాన్నే త్యాగం చేశారు: కేసీఆర్‌

హైదరాబాద్‌: ఆరు దశాబ్దాల తెలంగాణ ఉద్యమ చుక్కాని ప్రొఫెసర్‌ కొత్తపల్లి జయశంకర్‌ అని సీఎం కేసీఆర్‌ అన్నారు. ఉద్యమ భావజాల వ్యాప్తి కోసం జీవితాన్నే త్యాగం చేసిన మహనీయుడు ఆయనని కొనియాడారు. జయశంకర్ జయంతి సందర్భంగా ఆయన సేవలను సీఎం స్మరించుకున్నారు.

‘‘తెలంగాణ ప్రజల హృదయాల్లో జయశంకర్‌ సదా నిలిచి ఉంటారు. సబ్బండ వర్గాల సమగ్రాభివృద్ధి కోసమే తెలంగాణ స్వరాష్ట్రం అన్న ఆయన ఆశయాలను ప్రభుత్వం ఒక్కొక్కటిగా నెరవేరుస్తోంది. రాష్ట్రాన్ని సాధించిన ఏడేళ్ల అనతికాలంలోనే సాగునీరు, వ్యవసాయం వంటి రంగాలను తీర్చిదిద్దాం. అదే క్రమంలో సకల జనుల సమున్నతాభివృద్ధి దిశగా రాష్ట్ర ప్రభుత్వం సామాజిక ప్రగతి ప్రస్థానాన్ని కొనసాగిస్తోంది. మిషన్‌ కాకతీయ నుంచి కాళేశ్వరం ప్రాజెక్టు వరకు.. రైతు బంధు నుంచి దళితబంధు వరకు అనేక వినూత్న పథకాలను అమలు చేస్తోంది. ఆర్థిక, సామాజిక రంగాల్లో అభివృద్ధిని సాధించి ఆత్మగౌరవంతో దళిత బహుజన సమాజం తలెత్తుకుని తిరిగేలా.. బంగారు తెలంగాణ సాధన కోసం ప్రభుత్వం అహర్నిశలు కృషి చేస్తోంది. ప్రొఫెసర్‌ జయశంకర్‌ కలలుగన్న తెలంగాణ సాధనే లక్ష్యంగా ముందుకు సాగుతాం’’ అని కేసీఆర్‌ పేర్కొన్నారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని