Lower Manair Dam: కరీంనగర్ ఎల్‌ఎండీ గేట్లు ఎత్తివేత

తిమ్మాపూర్: కరీంనగర్ జిల్లా తిమ్మాపూర్ మండలంలోని ఎల్ఎండీ జలాశయం గేట్లను అధికారులు సోమవారం సాయంత్రం ఎత్తారు. కొన్ని రోజుల నుంచి వరుసగా కురుస్తున్న వర్షాలకు ఎగువన ఉన్న మోయ తుమ్మెద వాగు నుంచి ఎల్ఎండీకి ఇన్ ఫ్లో బాగా పెరిగింది. దీంతో ఉన్నతాధికారుల ఆదేశాల మేరకు ఎస్సారెస్పీ అధికారులు 8 గేట్లను రెండు ఫీట్ల మేర ఎత్తి దిగువకు నీటిని వదిలారు. ఇన్‌ఫ్లో ఇంకా పెరిగితే మరిన్ని గేట్లు ఎత్తుతామని అధికారులు తెలిపారు. ఎల్ఎండీ జలాశయం పూర్తి సామర్థ్యం 24.034 టీఎంసీలు కాగా ప్రస్తుతం 23.171 టీఎంసీల నీరున్నట్లు పేర్కొన్నారు. ఎల్ఎండీకి ప్రస్తుతం మోయ తుమ్మెద వాగు నుంచి 60వేల క్యూసెక్కుల ఇన్ ఫ్లో వస్తుండగా.. 27 వేల క్యూసెక్కుల నీటిని దిగువకు వదులుతున్నారు.