Telugu News: యాదాద్రి ఆలయ గోపుర తాపడానికి మంత్రి మల్లారెడ్డి విరాళం

యాదాద్రి: ముఖ్యమంత్రి KCR పిలుపుమేరకు యాదాద్రి శ్రీలక్ష్మీ నరసింహ స్వామి దేవాలయ విమాన గోపురం బంగారు తాపడం కోసం మంత్రి మల్లారెడ్డి 3 కిలోల బంగారానికి సమానమైన నగదును దేవస్థానానికి అందించారు. మేడ్చల్ నియోజకవర్గం తరఫున మూడు కిలోల బంగారాన్ని విరాళంగా ఇచ్చినట్టు మంత్రి చెప్పారు. తన కుటుంబం తరఫున కిలో బంగారం, నియోజకవర్గం తెరాస పార్టీ తరఫున రెండు కిలోల బంగారాన్ని స్వామివారికి విరాళంగా సమర్పించనున్నట్లు తెలిపారు. ఈ మేరకు ఘట్‌కేసర్‌లోని మంత్రి క్యాంపు కార్యాలయం నుంచి కుటుంబ సభ్యులు, పార్టీ కార్యకర్తలు, ప్రజా ప్రతినిధులతో కలిసి యాదాద్రి ఆలయానికి ప్రదర్శనగా వెళ్లి ఆలయ అధికారులకు అందజేశారు.