Saidabad: మాకు చెక్కు కాదు.. న్యాయం కావాలి: సైదాబాద్‌ బాలిక తండ్రి

హైదరాబాద్‌: తమకు ప్రభుత్వం తరఫున అందజేసిన సాయాన్ని వెనక్కిచ్చేస్తామని సైదాబాద్‌ బాలిక కుటుంబ సభ్యులు తెలిపారు. హత్యాచారానికి గురైన బాలిక కుటుంబాన్ని ఈ ఉదయం పరామర్శించిన మంత్రులు మహమూద్‌ అలీ, సత్యవతి రాథోడ్‌ వారికి రూ.20 లక్షల చెక్కు అందజేశారు. కాగా, మంత్రులు చేసిన సాయాన్ని బాలిక కుటుంబ సభ్యులు తిరస్కరించారు. రూ.20 లక్షల చెక్కు తమకు అవసరం లేదని లేల్చి చెప్పారు. మంత్రులు ఇచ్చిన చెక్కును వెనక్కి ఇచ్చేస్తాం అని కుటుంబ సభ్యులు తెలిపారు.

‘‘మంత్రులు మా ఇంట్లో చెక్కును పెట్టి వెళ్లిపోయారు. మాకు చెక్కు కాదు.. న్యాయం కావాలి. చెక్కుతో మాకు ఎలాంటి సంబంధం లేదు. మరో రూ.20 లక్షలు అదనంగా ఇచ్చినా అవసరం లేదు’’ అని బాలిక తండ్రి చెప్పారు.