AP News: కడపలో కూలిన మూడంతస్తుల భవనం

కడప: కడపలోని రాధాకృష్ణ నగర్‌లో వేకువజామున 4 గంటల సమయంలో మూడు అంతస్తుల భవనం కుప్పకూలింది. శిథిలాల కింద చిక్కుకున్న తల్లీ, ఇద్దరు పిల్లలను అగ్నిమాపక సిబ్బంది కాపాడారు. తెల్లవారుజామున పెద్ద శబ్దం రావడంతో మొదటి అంతస్తులో ఉన్న మహిళ, ఇద్దరు పిల్లలు మినహా రెండో అంతస్తు నుంచి అందరూ బయటికి పరుగులు తీశారు.

శిథిలాల కింద చిక్కుకున్న తల్లీబిడ్డల్ని అగ్నిమాపక సిబ్బంది రక్షించారు. ఈ భవనానికి నగరపాలక అధికారులు మూడుసార్లు నోటీసులిచ్చినప్పటికీ యజమాని స్పందించలేదని తెలుస్తోంది. భవనం కూలినా ఎలాగోలా ప్రాణాలతో బయట పడ్డామని బాధితులు అంటున్నారు.