Viral Video: జబ్బు చేసిన బామ్మను హత్తుకున్న మూగజీవి!

ఇంటర్నెట్‌ డెస్క్‌: మచ్చికైన జంతువులు మనుషులతో అనుబంధాన్ని ఏర్పరచుకుంటాయి. అవి ఎంతో కృతజ్ఞతతో వ్యవహరిస్తుంటాయి. రోజూ కాస్త తిండి పెడితే విశ్వాసంగా మెలగుతాయి. అందుకు నిదర్శనమే ఈ వీడియో.. ఓ ముసలావిడ రోజూ తన ఇంటికి వచ్చే కొండ ముచ్చు (గ్రే లంగూర్‌)కు తిండిపెట్టేది. ఆమెకు ఈ మధ్య జబ్బు చేసి మంచం పట్టింది. రోజూలాగే తినడానికి వచ్చిన కొండ ముచ్చు మంచం మీద ముసలావిడను చూసింది. అది ఏమనుకుందో ఏమో మంచంపై పడుకున్న ముసలామె మీదకు ఎక్కి గుండెలను హత్తుకుంది. దానికి సంబంధించిన దృశ్యాలు సామాజిక మాధ్యమాల్లో వైరల్‌ అవుతున్నాయి. ఈ వీడియోను చూసిన నెటిజన్లు ముసలావిడ త్వరగా కోలుకోవాలని కోరుకుంటున్నారు.