Published : 25/06/2021 20:23 IST

ఇజ్రాయెల్‌ ఎంబసీ వద్ద పేలుడు కేసు: నలుగురి అరెస్టు

ఇంటర్నెట్‌డెస్క్‌: ఈ ఏడాది జనవరిలో దిల్లీలోని ఇజ్రాయెల్‌ ఎంబీసీ వద్ద చోటుచేసుకున్న పేలుడు కేసులో నలుగురు అనుమానితులను దిల్లీ పోలీసుల ప్రత్యేక బృందం జమ్ము-కశ్మీర్‌లో అరెస్టు చేసింది. కార్గిల్‌ జిల్లాకు చెందిన వీరు ఉగ్రకార్యకలాపాల్లో పాల్గొంటున్నట్లు అనుమానాలు ఉన్నాయి. వీరికి ఈ పేలుడు కేసుతో సంబంధం ఉన్నట్లు ఆధారాలను కూడా ఇప్పటికే సేకరించారు. దీనిపై దిల్లీ పోలీసుల ప్రతినిధి చిన్మయ్‌ బిస్వాల్‌ మాట్లాడుతూ .. అరెస్టైన వారిని నజీర్‌ హుస్సేన్‌, జుల్ఫీకర్‌ ఆలీ వాజీర్‌, అయాజ్‌ హుస్సేన్‌, ముజమ్మిల్‌ హుస్సేన్‌లుగా గుర్తించారు. వీరంతా థాంగ్‌ గ్రామానికి చెందిన వారు. వీరిని ట్రాన్సిట్‌ రిమాండ్‌పై దిల్లీకి తరలించారు. పేలుడు జరిగిన రోజున వీరంతా దిల్లీలోనే ఉన్నట్లు గుర్తించారు. కానీ, వీరి ఫోన్లు స్విచ్చాఫ్‌లో ఉన్నాయని పోలీసులు తెలిపారు.

జనవరి 29న దిల్లీలోని ఏపీజే అబ్దుల్ కలాం రోడ్డులో ఉన్న ఇజ్రాయెల్‌ దౌత్య కార్యాలయానికి 150 మీటర్ల దూరంలో స్వల్ప బాంబు పేలుడు ఘటన కలకలం రేపిన విషయం తెలిసిందే.  అయితే ఎలాంటి ప్రాణహాని జరగకపోవడంతో అంతా ఊపిరి పీల్చుకున్నారు. బాంబు దాడికి కుట్ర పన్నిన ఇద్దరు వ్యక్తులను సీసీ ఫుటేజీ ద్వారా ఎన్‌ఐఏ అధికారులు గుర్తించారు. వారిని గుర్తించి వివరాలు చెప్పిన వారికి రూ.10 లక్షల చొప్పున నగదు బహుమతి ఇస్తామంటూ ప్రకటించింది. ఈ ప్రకటన వెలువడిన కొన్ని రోజుల్లోనే అనుమానితులను అరెస్టు చేయడం విశేషం.

తొలుత ఈ కేసును దిల్లీ ప్రత్యేక పోలీసు విభాగం దర్యాప్తు చేసింది. అనంతరం ఫిబ్రవరిలో ఈ కేసును కేంద్రం ఎన్‌ఐఏకు అప్పగించింది. ఈ ఘటనపై ఇజ్రాయెల్‌ నాటి ప్రధాని బెంజమిన్‌ నెతన్యాహుతో భారత ప్రధాని నరేంద్ర మోదీ చర్చించారు. ఈ దాడికి పాల్పడిన ఉగ్రవాదులను ఎలాగైనా పట్టుకొని శిక్షిస్తామని స్పష్టంచేశారు. భారత్‌-ఇజ్రాయెల్‌ దౌత్యసంబంధాలు ఏర్పాటు చేసుకొని 29 ఏళ్లు పూర్తయిన రోజునే ఈ పేలుడు చోటు చేసుకొంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని