Published : 16/11/2020 18:27 IST

అక్కడ క్రిస్‌మస్‌కు ముందే కొవిడ్ టీకా!

అంచనా వేస్తోన్న బ్రిటన్ ప్రభుత్వం

లండన్‌: కరోనావైరస్ కట్టడికి పైజర్ టీకా సురక్షితమైందని తేలితే, క్రిస్‌మస్‌ కంటే ముందే దాన్ని అందుబాటులోకి తేవాలనుకుంటున్నామని బ్రిటన్ ఆరోగ్య మంత్రి మాట్ హాకాంక్ ప్రకటించారు. ‘మేం టీకాకు సంబంధించి సంస్థతో ఎప్పటికప్పుడు సంప్రదింపులు జరుపుతున్నాం. అది అందుబాటులోకి రాగానే, పంపిణీకి సిద్ధంగా ఉన్నాం. డిసెంబర్‌ ఒకటినాటికే మేం సిద్ధంగా ఉంటాం. క్రిస్‌మస్‌ కంటే ముందే అందుబాటులోకి తెచ్చేందుకు ఇంకా ఎక్కువ అవకాశాలు ఉన్నాయి’ అంటూ మంత్రి వెల్లడించారు. అలాగే, బ్రిటన్‌కు ఎన్ని టీకాలు అవసరమవుతాయని ప్రశ్నించగా..వ్యాప్తిని నివారించే సామర్థ్యంపై ఆ సంఖ్య ఆధారపడి ఉంటుందన్నారు. కాగా, తమ టీకా 90 శాతం ప్రభావంతో పనిచేస్తున్నట్లు ప్రాథమికంగా వెల్లడైందని పైజర్ ఇటీవల వెల్లడించిన సంగతి తెలిసిందే.

ఇదిలా ఉండగా..పైజర్ సంస్థ నుంచి నాలుగు కోట్ల టీకా డోసులను కొనుగోలు చేసేందుకు బ్రిటన్‌ ఆర్డర్ ఇవ్వగా, ఏడాది చివరి నాటికి కోటి టీకా డోసులు అందుబాటులో ఉంటాయని ఆ దేశం భావిస్తోంది. అలాగే అక్కడి ప్రభుత్వం టీకాల కోసం పైజర్, ఆస్ట్రాజెనికా వంటి తదితర సంస్థలతో ఒప్పందాలు కూడా చేసుకుంది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని