Published : 30/11/2020 16:07 IST

ఆగస్టు కల్లా 30 కోట్ల మందికి టీకా: హర్షవర్దన్‌

దిల్లీ: వచ్చే ఏడాది ఆగస్టు కల్లా దేశంలో 30 కోట్ల మందికి కరోనా వైరస్‌ వ్యాక్సిన్‌ అందజేయడమే లక్ష్యంగా ప్రభుత్వం పనిచేస్తోందని కేంద్ర ఆరోగ్యశాఖ మంత్రి హర్షవర్దన్‌ తెలిపారు. ఈ మేరకు సోమవారం ఆయన విలేకరులతో మాట్లాడారు. ‘వచ్చే ఏడాది తొలి నాలుగు నెలల్లోపు దేశ ప్రజలకు కరోనా టీకా అందుబాటులోకి తీసుకువచ్చే ప్రయత్నాలు కొనసాగుతున్నాయి. ఆగస్టులోపు 30 కోట్ల మందికి వ్యాక్సిన అందించడమే లక్ష్యంగా ప్రభుత్వం పనిచేస్తోంది. మాస్క్‌ ధరించడం, సామాజిక దూరం తదితర నిబంధనలు విధిగా పాటించాలి. ప్రపచంలోనే భారత్‌లో అత్యధికంగా రికవరీ రేటు నమోదైంది. గత జనవరిలో మనవద్ద అందుబాటులో ఉన్న ప్రయోగ శాలల సంఖ్య ఒకటి.. కానీ ఇప్పుడు ఆ సంఖ్య 2వేలకు పైగా చేరింది. ప్రతిరోజూ మిలియన్ల మంది పరీక్షలు చేయించుకుంటున్నారు. ఇప్పటివరకు మనం 14 కోట్ల కరోనా వైరస్‌ పరీక్షలు పూర్తి చేశాం. దీన్ని బట్టి ప్రభుత్వం కరోనా వైరస్‌పై ఏవిధంగా విశ్రాంతి లేకుండా శ్రమిస్తుందనే విషయం చెప్పవచ్చు. ప్రధాని మోదీ నేతృత్వంలో భారత్‌ మాస్కులు, పీపీఈ కిట్ల ఉత్పత్తి విషయంలో స్వావలంబన దిశగా పయనిస్తోంది. ప్రస్తుతం దేశంలో ప్రతిరోజూ 10లక్షల పీపీఈ కిట్లు ఉత్పత్తి చేస్తున్నాం. అంతేకాకుండా మన శాస్త్రవేత్తలు కూడా సరైన సమయానికి వ్యాక్సిన్‌ అందుబాటులోకి తెచ్చేందుకు నిరంతర కృషి చేస్తున్నారు’ అని హర్షవర్దన్‌ తెలిపారు.

కాగా దేశంలో ఇప్పటి వరకు 94లక్షల కరోనా వైరస్‌ కేసులు నమోదయ్యాయి. గడిచిన 24 గంటల్లో 38వేల కేసులు నమోదు కాగా.. 443 మంది కరోనా కారణంగా మరణించారు. ప్రస్తుతం యాక్టివ్‌ కేసులు 4లక్షలకు పైగా ఉన్నాయి. ఇప్పటి వరకు వైరస్‌ బారిన పడి మరణించిన వారి సంఖ్య 1,37,139కి చేరింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని