Published : 20/08/2020 01:16 IST

JK నుంచి సాయుధ బలగాలు తక్షణమే వెనక్కి!

కేంద్రం కీలక నిర్ణయం

దిల్లీ: కేంద్రపాలిత ప్రాంతమైన జమ్మూకశ్మీర్‌లో మోహరించిన కేంద్ర పారామిలటరీ బలగాలను తక్షణమే ఉపసంహరించుకోవాలని కేంద్రం నిర్ణయించింది. ఈ మేరకు 10వేల మంది పారామిలటరీ సిబ్బందిని వెనక్కి రప్పించాలని ఉత్తర్వులు జారీచేసింది. గతేడాది ఆగస్టు 5న జమ్మూకశ్మీర్‌కు స్వయంప్రతిపత్తి కల్పించే ఆర్టికల్‌ 370 రద్దు నేపథ్యంలో అక్కడ ఎలాంటి హింసాత్మక ఘటనలూ చెలరేగకుండా భారీ సంఖ్యలో పారామిలటరీ బలగాలను మోహరించిన విషయం తెలిసిందే. 

జమ్మూకశ్మీర్‌లో కేంద్ర సాయుధ బలగాల మోహరింపు అంశంపై కేంద్ర హోంశాఖ సమీక్షించిన అనంతరం కేంద్రం ఈ ఉత్తర్వులు జారీచేసింది. 100 కంపెనీల బలగాలు తక్షణమే వెనక్కి రప్పించి ఇంతకముందు వారు పనిచేసే స్థానాల్లోకి వెళ్లాలని ఆదేశించింది. మొత్తం 100 కంపెనీల పారామిలటరీ బలగాల్లో 40 కంపెనీలు సీఆర్‌పీఎఫ్‌ కాగా.. సీఐఎస్‌ఎఫ్‌, బీఎస్‌ఎఫ్‌, ఎస్‌ఎస్‌బీ బలగాలు చెరో 20 కంపెనీల చొప్పున ఉన్నాయి. 

జమ్మూకశ్మీర్‌ను మూడు కేంద్ర పాలిత ప్రాంతాలుగా విభజించిన తర్వాత ఐఏఎస్‌ అధికారి గిరీష్ చంద్ర ముర్మును లెఫ్టినెంట్ గవర్నర్‌గా నియమించింది. ఈ ఏడాది కాలంలో ఉగ్రవాదుల ఏరివేతను సైన్యం ముమ్మరం చేయడంతో వ్యాలీలో ఉద్రిక్తలు సద్దుమణిగాయి. అలానే నిర్భంధంలో ఉన్న పలువురు నేతలను కూడా కేంద్రం విడిచిపెట్టింది. ఈ నేపథ్యంలో కశ్మీర్‌ లోయలో తిరిగి సాధారణ పరిస్థితులు నెలకొల్పాలని కేంద్రం నిర్ణయించినట్లు తెలుస్తోంది. అందులో భాగంగానే ముర్మును కాగ్ అధిపతిగా బదిలీ చేసి, భాజపా నేత మనోజ్‌ సిన్హాను కొత్త లెఫ్టినెంట్ గవర్నర్‌గా నియమించినట్లు సమాచారం. తాజాగా బలగాల ఉపసంహరణ కూడా అందుకు సంకేతంగా భావించాలని పలువురు రాజకీయ పండితులు అభిప్రాయపడుతున్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని