Published : 18/09/2020 14:55 IST

ట్రంప్‌ నాతో తప్పుగా ప్రవర్తించారు..

మాజీ మోడల్‌ ఆరోపణ

వాషింగ్టన్‌: అగ్రరాజ్య అధ్యక్షుడు డొనాల్డ్‌ ట్రంప్‌ తనతో అసభ్యకరంగా ప్రవర్తించినట్టు అమెరికాకు చెందిన ఓ మాజీ మోడల్‌ ఆరోపించారు. ఆయన తనను బలవంతంగా ముద్దుపెట్టుకునేందుకు ప్రయత్నించారని ఆమె వెల్లడించారు. అమెరికా అధ్యక్ష ఎన్నికల సమయంలో ఈ ఆరోపణలు చోటుచేసుకోవటం గమనార్హం.

1997 యుఎస్‌ ఓపెన్‌ టెన్నిస్‌ పోటీలు న్యూయార్క్‌లో జరుగుతున్న సమయంలో ఈ ఘటన చోటుచేసుకున్నట్టు అమీడోరిస్‌ అనే ఈ మాజీ మోడల్‌ వివరించారు. ఆ సమయంలో తాను ట్రంప్‌ను వారించినా.. అతను పట్టించుకోలేదని తెలిపారు. ఈ సంఘటన జరిగిందని చెబుతున్న సమయానికి డోరిస్‌ వయసు 24 కాగా.. ట్రంప్‌ వయస్సు 51. అప్పటికే ఆయనకు మార్లా మేపుల్స్‌తో ద్వితీయ వివాహం జరిగింది.
ఈ ఆరోపణను ట్రంప్‌ తీవ్రంగా ఖండిస్తూ తన న్యాయవాది ద్వారా ప్రకటన విడుదల చేశారు. తాను ఆమెపై ఎప్పుడూ వేధింపులకు పాల్పడలేదని ఆయన స్పష్టం చేశారు. డోరిస్‌ చెప్పిన విషయాలు నమ్మదగినవిగా లేవని.. ఆమెపై లైంగిక దాడి జరిగినట్లయితే అందుకు సాక్షులు ఉండేవారని అన్నారు. ఈ విమర్శలు రాజకీయ ప్రోద్బలంతో జరిగినవని.. ట్రంప్‌ ప్రకటనలో కొట్టిపారేశారు.
ట్రంప్‌పై ఇప్పటి వరకు 25మందికి పైగా మహిళలు బహిరంగ ఆరోపణలు చేశారు. అయితే, తనపై వచ్చిన ప్రతి ఆరోపణను అధ్యక్షుడు ట్రంప్‌ ఖండించారు. అసలు వారిలో కొందరిని  ఎప్పుడూ కలవనే లేదని ఆయన అన్నారు. కాగా, వారిలో కొందరైతే తనకు ఏమాత్రం ఆకర్షణీయంగా అనిపించలేదని పేర్కొనటం కొసమెరుపు!

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని