ఫ్రెంచ్‌ పౌరులపై ఉగ్ర పంజా

నియామి: నైజీరియాలో మరోసారి ఉగ్రదాడి చోటుచేసుకుంది. ఆదివారం ఆరుగురు ఫ్రెంచ్‌ పౌరులు సహా ఓ నైజీరిన్‌ గైడ్‌, మరో డ్రైవర్‌ను ఉగ్రవాదులు కాల్చి చంపారు. ఈ ఘటన దేశ రాజధాని నియామికి 65 కిలోమీటర్ల దూరంలో ఉన్న కౌరెలోని జిరాఫి పార్కు సమీపంలో చోటుచేసుకుంది. బాధిత ఫ్రెంచ్‌ పౌరులంతా ఏటీసీఈడీ అనే అంతర్జాతీయ సహాయ బృందంలో పనిచేసేవారు. ఘటనపై ఏటీసీఈడీ స్పందించింది. ఉగ్రదాడిలో వారి బృందానికి చెందిన ఆరుగురు సభ్యులు మృతిచెందినట్లు వెల్లడించింది. అనంతరం ఈ ఘటనపై ఫ్రాన్స్‌‌ అధ్యక్షుడు ఇమ్మానుయేల్‌ మాక్రోన్‌ నైజీరియా అధ్యక్షుడు మహమ్మద్‌ ఇసోఫోతో మాట్లాడినట్లు మాట్లాడారు. దాడిపై నైజీరియా అధ్యక్షుడు ట్విటర్‌ వేదికగా స్పందించారు. ఉగ్రదాడిని పిరికి చర్యగా అభివర్ణించారు. ఈ సందర్భంగా మృతుల కుటుంబాలకు సానుభూతిని వ్యక్తం చేశారు. ఉగ్రవాదంపై ఫ్రాన్స్‌తో కలిసి పోరాడుతున్నట్లు పేర్కొన్నారు.