Published : 10/10/2020 22:34 IST

హాథ్రస్‌ కేసు.. ఇకపై సీబీఐ విచారణ

దిల్లీ: దేశవ్యాప్తంగా సంచలనం సృష్టించిన హాథ్రస్‌ హత్యాచార కేసును ఇకపై సీబీఐ దర్యాప్తు చేయనుంది. ఈ మేరకు సీబీఐకి సూచనలు చేస్తూ కేంద్ర ప్రభుత్వం నోటిఫికేషన్‌ విడుదల చేసింది. హాథ్రస్‌ కేసు దర్యాప్తును సీబీఐ తమ అధీనంలోకి తీసుకోవాలని కేంద్రం అందులో పేర్కొంది. ఫోరెన్సిక్‌ నిపుణుల సమక్షంలో ఘటన జరిగిన ప్రదేశానికి వెళ్లి విచారించాలని అందులో తెలిపింది. ఘజియాబాద్‌ బ్రాంచ్‌కు చెందిన సీబీఐ బృందం ఈ కేసును దర్యాప్తు చేపట్టనుంది. దీనికి సంబంధించి సీబీఐ ఎఫ్‌ఐఆర్‌ నమోదు చేయాల్సి ఉంది.

ఉత్తర్‌ప్రదేశ్‌లోని హాథ్రస్‌లో ఓ దళిత యువతిపై నలుగురు అగ్రకులానికి చెందిన వ్యక్తులు అత్యాచారానికి పాల్పడిన విషయం తెలిసిందే. బాధితురాలిని తీవ్రంగా హింసించడంతో ఆమె చికిత్స పొందుతూ మరణించింది. దీంతో ఈ ఘటనపై దేశవ్యాప్తంగా నిరసనలు వెల్లువెత్తాయి. ఈ ఘటనపై యూపీ ప్రభుత్వం కూడా అనేక విమర్శలు ఎదుర్కొంది. తొలుత సిట్‌ దర్యాప్తునకు ఆదేశించిన యూపీ సీఎం యోగి ఆదిత్యనాథ్‌.. అనంతరం సీబీఐ విచారణకు సిఫార్సు చేశారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని