Published : 22/10/2020 15:02 IST

నాగ్‌ చివరిదశ ప్రయోగం విజయవంతం

దిల్లీ: రక్షణ రంగంలో భారత్‌ మరో అడుగు ముందుకేసింది. స్వదేశీ పరిజ్ఞానంతో అభివృద్ధి చేసిన ట్యాంక్‌ విధ్వంసక క్షిపణి నాగ్‌  చివరి ప్రయోగాన్ని విజయవంతంగా పూర్తి చేసుకుంది. రాజస్థాన్‌లోని పోఖ్రాన్‌ రేంజ్‌ నుంచి నాగ్‌ మిసైల్‌  క్యారియర్  (ఎన్‌ఏఎమ్‌ఐసీఏ) ద్వారా దీనిని ప్రయోగించారు. నిర్దేశిత లక్ష్యాలను అత్యంత కచ్చితత్వంతో ఛేదించినట్లు భారత రక్షణ, పరిశోధన సంస్థ (డీఆర్‌డీవో) వెల్లడించింది. ఈ ప్రయోగం విజయవంతం కావడంతో ఇక నాగ్‌ క్షిపణులు ఉత్పత్తి దశకు చేరుకున్నట్లయింది.

శత్రువుల యుద్ధ ట్యాంకులను ధ్వంసం చేయడానికి యాంటీ ట్యాంక్‌ గైడెడ్‌ మిసైల్‌ (ఏటీజీఎం)ను డీఆర్‌డీవో అభివృద్ధి చేసింది. నాగ్ మిసైల్‌ క్యారియర్‌ను రష్యాకు చెందిన బీఎంపీ-2 పరిజ్ఞానంతో అభివృద్ధి చేశారు. ఇది లాక్‌ బిఫోర్‌ లాంచ్‌ వ్యవస్థను కలిగి ఉంటుంది. ఈ వ్యవస్థలో క్షిపణి ప్రయోగానికి ముందే లక్ష్యాన్ని గుర్తిస్తారు. భారత్‌-చైనా మధ్య తాజా ఉద్రిక్తతల నేపథ్యంలో భారత్‌ ఇటీవల వరుసగా క్షిపణి ప్రయోగాలను వేగవంతం చేసిన విషయం తెలిసిందే. అత్యంత సమర్థవంతమైన క్షిపణులను దేశీయంగా తయారు చేయడంపై దృష్టి పెడుతోంది. ఈ క్రమంలోనే  ఒడిశా తీరంలోని వీలర్‌ ఐలాండ్‌లో ఏపీజే అబ్దుల్‌ కలాం లాంచ్‌ కాంప్లెక్స్‌ నుంచి హైపర్‌సోనిక్‌ టెక్నాలజీ డెమానిస్ట్రేటర్‌ వెహికల్‌ను ప్రయోగించింది. ఆ తర్వాత బ్రహ్మోస్‌ సూపర్‌ సోనిక్‌ క్రూయిజ్‌ క్షిపణి, అణు సామర్థ్యం కలిగిన శౌర్య సూపర్‌ సోనిక్‌ క్షిపణి, జలాంతర్గాములను ధ్వంసం చేయగల క్షిపణి సహాయక టోర్పెడో, లేజర్‌ గైడెడ్‌ యాంటీ ట్యాంక్‌ క్షిపణులను భారత్‌ వరుసగా ప్రయోగించింది. అంతే కాకుండా శత్రుదుర్భేద్యమైన అభ్యాస్‌ గగన తల వాహనాల్ని, పృథ్వీ-2, రుద్రం-1 క్షిపణులను కూడా భారత్‌ ప్రయోగించి విజయం సాధించింది.

తాజాగా నాగ్‌ చివరి దశ ప్రయోగాలు విజయవంతం కావడంతో ఆ క్షిపణులు ఉత్పత్తి దశకు చేరుకుంది. భారత్‌ డైనమిక్స్‌ లిమిటెడ్‌ (బీడీఎల్‌) వీటిని ఉత్పత్తి చేయనుంది. మెదక్‌లోని ఆర్డినెన్స్‌ ఫ్యాక్టరీ ఎన్‌ఏఎమ్‌ఐసీఏలను సమకూర్చనుంది. ప్రయోగం విజయవంతం కావడంపై రక్షణ మంత్రి రాజ్‌నాథ్‌ సింగ్‌ హర్షం వ్యక్తం చేశారు. ప్రయోగంలో భాగస్వాములైన శాస్త్రవేత్తలు, డీఆర్‌డీవో సిబ్బందికి అభినందనలు తెలిపారు. డీఆర్‌డీవో ఛైర్మన్‌ డా. సతీశ్‌రెడ్డి తన సిబ్బందిని అభినందించారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని