కొజికోడ్‌ ప్రమాదం: డీజీసీఏ కీలక నిర్ణయం

దిల్లీ: కేరళలోని కోజికోడ్‌ విమానాశ్రయంలో ఇటీవల చోటుచేసుకున్న విమాన ప్రమాద ఘటనతో పౌర విమానయానశాఖ మరింత అప్రమత్తమైంది. ఈ మేరకు దిద్దుబాటు చర్యలు చేపట్టింది. ఇందులో భాగంగా వర్షా కాలం మొత్తం కొజికోడ్‌  విమానాశ్రయాన్ని మూసివేయాలని నిర్ణయించినట్టు డీజీసీఏ వెల్లడించింది. ఈ నెల 7న దుబాయి నుంచి కొజికోడ్‌ విమానాశ్రయానికి వచ్చిన ఎయిరిండియా ఎక్స్‌ప్రెస్‌ విమానం రన్‌వే పైనుంచి జారిపడి లోయలోకి దూసుకెళ్లడంతో జరిగిన ఘోర ప్రమాదం పెను విషాదం నింపింది. ఈ ఘటనలో 18 మంది మృతి చెందగా.. 140మందికి పైగా క్షతగాత్రులైన విషయం తెలిసిందే.