Published : 18/09/2020 02:14 IST

ఆ రాష్ట్రంలో 20వేల మంది పోలీసులకు కరోనా!

ముంబయి: కరోనా వైరస్‌ విజృంభణ ధాటికి మహారాష్ట్ర వణికిపోతోంది. ముఖ్యంగా కరోనా వైరస్‌ పోరులో ముందున్న పోలీసుల సంఖ్య సైతం ఆందోళన కలగజేస్తోంది. రాష్ట్రంలో ఇప్పటివరకూ దాదాపు 20వేల మందికి పైగా పోలీసులు కరోనా వైరస్‌ బారిన పడినట్లు అధికారులు గురువారం వెల్లడించారు. గడిచిన 24 గంటల్లో మహారాష్ట్రలో 364 మంది పోలీసులు కరోనా వైరస్‌ బారిన పడగా.. మరో నలుగురు మహమ్మారి కారణంగా ప్రాణాలు వదిలినట్లు తెలిపారు. ‘రాష్ట్రవ్యాప్తంగా ఇప్పటి వరకు 20వేల మందికి పైగా పోలీసులు కరోనా వైరస్‌ బారిన పడ్డారు. వారిలో 2వేలకు పైగా అధికారులే. వైరస్‌ సోకిన వారిలో 208 మంది ప్రాణాలు కోల్పోయారు. మరణించిన వారిలోనూ 21 మంది ఉన్నత స్థాయి అధికారులు ఉన్నారు. ప్రస్తుతానికి మొత్తం 3వేలకు పైగా యాక్టివ్‌ కేసులు ఉన్నాయి. 16వేల మందికి పైగా పోలీసులు కరోనా బారి నుంచి కోలుకున్నారు’అని అధికారులు వెల్లడించారు.  

మహారాష్ట్ర వ్యాప్తంగా కొవిడ్‌-19 నిబంధనలు ఉల్లంఘించిన ఘటనలకు సంబంధించి పోలీసులు 2లక్షలకు పైగా కేసులు నమోదయ్యాయి. దాదాపు 34వేల మందిని పోలీసులు అరెస్టు చేశారు. కొవిడ్‌ నిబంధనల ఉల్లంఘన విషయంలో పోలీసులు రూ.25 కోట్లు జరిమానా వసూలు చేశారు. రాష్ట్రంలో ఇప్పటివరకు 11లక్షల కరోనా కేసులు నమోదు కాగా.. 30వేల మంది మరణించారు. దాదాపు 7లక్షలకు పైగా కొవిడ్‌ నుంచి తిరిగి కోలుకున్నారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని