Published : 20/08/2020 20:41 IST

నిరుద్యోగంపై రాహుల్‌ హెచ్చరిక!

దిల్లీ: రాబోయే రోజుల్లో దేశంలో నిరుద్యోగం మరింతగా పెరగనుందని కాంగ్రెస్‌ పార్టీ అగ్రనేత రాహుల్‌ గాంధీ హెచ్చరించారు. ప్రధాని నరేంద్ర మోదీ ప్రభుత్వ విధానాలతో భవిష్యత్తులో యువతకు ఉపాధి కల్పించలేని పరిస్థితి తలెత్తుతుందని వ్యాఖ్యానించారు. గతంలోనే తాను ఇదే విషయంపై హెచ్చరించినప్పుడు మీడియా తనను ఎగతాళి చేసిందన్నారు. ఈ మేరకు వర్చువల్‌ మీడియా సమావేశంలో ఆయన మాట్లాడారు.

‘‘రాబోయే రోజుల్లో దేశంలో యువతకు ఉపాధి కల్పించలేని పరిస్థితి తలెత్తుతుంది. గత 70 ఏళ్లలో ఇలాంటి పరిస్థితి ఏనాడూ ఏర్పడలేదు. కొవిడ్‌ కారణంగా పెద్ద ఎత్తున నష్టం జరుగుతుందని ఈ ఏడాది మొదట్లో నేను చెప్పినప్పుడు నన్ను ఎగతాళి చేశారు. కానీ జరగబోయేది అదే. ఒకవేళ నా మాటలు నమ్మకపోతే ఆరేడు నెలలు వేచి చూడండి’’ అని రాహుల్‌ గాంధీ అన్నారు. పెద్ద ఎత్తున ఉపాధి కల్పించే అసంఘటిత రంగం దెబ్బతినడమే ఇందుకు కారణమని ఆయన వివరించారు. 90 శాతం ఉపాధి ఆ రంగమే కలిపిస్తోందని, ఈ వ్యవస్థను ప్రధాని మోదీ పూర్తిగా నాశనం చేశారని రాహుల్‌ ధ్వజమెత్తారు. ఆర్‌బీఐ ఇచ్చిన మారటోరియం గడువు ముగిశాక ఒక్కో కంపెనీ మూతపడడం చూస్తారని వ్యాఖ్యానించారు. గడిచిన 4 నెలల వ్యవధిలో 2 కోట్ల మంది ఉద్యోగాలు పోగొట్టుకున్నారంటూ నిరుద్యోగంపై నిన్న చేసిన ట్వీట్‌లో రాహుల్‌ పేర్కొన్న విషయం తెలిసిందే.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని