Published : 18/10/2020 20:50 IST

ట్రంప్‌ నిర్ణయానికి వ్యతిరేకంగా మహిళల మార్చ్‌

సుప్రీంకోర్టు న్యాయమూర్తిగా బ్యార్రెట్‌ పేరును ప్రతిపాదించడంపై అభ్యంతరాలు

వాషింగ్టన్‌: సుప్రీంకోర్టు న్యాయమూర్తిగా ఆమీ కోనే బ్యార్రెట్‌ పేరును ప్రతిపాదించిన డొనాల్డ్‌ ట్రంప్‌ పరిపాలన విభాగంపై నిరసనలు వెల్లువెత్తుతున్నాయి. అమెరికా ప్రభుత్వ నిర్ణయానికి వ్యతిరేకంగా మహిళా నిరసనకారులు శనివారం భారీ ర్యాలీ చేపట్టారు. దేశంలోని పలు నగరాల నుంచి భారీగా తరలివచ్చిన మహిళలు రాజధాని వాషింగ్టన్ డీసీలో ట్రంప్‌ ప్రభుత్వానికి వ్యతిరేకంగా నినాదాలు చేస్తూ ర్యాలీ చేపట్టారు. ఈ ఏడాదిలో నిరసనకారులు చేపట్టిన రెండో ర్యాలీ ఇది. సుప్రీంకోర్టు మాజీ న్యాయమూర్తి రుత్‌ బాడెర్‌ గిన్స్‌బర్గ్‌ మృతికి సంతాపం తెలుపుతూ, నూతన న్యాయమూర్తిగా బ్యార్రెట్‌ పేరును ప్రతిపాదించిన ప్రభుత్వానికి వ్యతిరేకంగా ఈ నిరసనలు చేపట్టారు. ట్రంప్‌నకు ఓటు వేయొద్దంటూ అధ్యక్షుడి ప్రభుత్వానికి వ్యతిరేకంగా ప్లకార్డులు ప్రదర్శిస్తూ ఫ్రీడమ్‌ ప్లాజా నుంచి నేషనల్‌ మాల్‌ వరకు వారి ప్రదర్శన సాగింది.

న్యాయమూర్తిగా ట్రంప్‌ ప్రభుత్వం ప్రతిపాదించిన ఆమీ కోనే బ్యార్రెట్‌ అధికార రిపబ్లికన్‌ పార్టీకి అనుకూలంగా ఉంటారనే ఆరోపణలు ఉన్నాయి. నవంబర్‌ 3న అమెరికాలో అధ్యక్ష ఎన్నికలు జరుగనున్న నేపథ్యంలో ప్రభుత్వ ప్రతిపాదనపై అభ్యంతరాలు వ్యక్తమవుతున్నాయి. ఈ నేపథ్యంలోనే మహిళలు భారీ ర్యాలీ చేపట్టారు. అయితే ట్రంప్‌ మద్దతుదారులు సుప్రీంకోర్టు ఎదుట గుమిగూడి నిరసనలకు వ్యతిరేకంగా ఆందోళన చేపట్టారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని