సచిన్ వాజే కేసులో కొత్త ట్విస్ట్..!
ముకేశ్ అంబానీ ఇంటి వద్ద పేలుడు పదార్థాలతో లభించిన కారు కేసులో కొత్త ట్విస్ట్ వెలుగులోకి వచ్చింది. ఈ కేసులో ఆరోపణలు ఎదుర్కొంటున్న సస్పెండైన పోలీస్ అధికారి సచిన్ వాజే..మరో ఇద్దరిని హతమార్చేందుకు కుట్ర పన్నినట్లు ఎన్ఐఏ దర్యాప్తులో తేలింది.
మరో ఇద్దరి ఎన్కౌంటర్కు పన్నాగం
ముంబయి: ముకేశ్ అంబానీకి బెదిరింపుల కేసులో కొత్త ట్విస్ట్ వెలుగులోకి వచ్చింది. ఈ కేసులో ఆరోపణలు ఎదుర్కొంటూ సస్పెండైన పోలీస్ అధికారి సచిన్ వాజే కుట్ర ఒకటి కొత్తగా వెలుగులోకి వచ్చింది. మరో ఇద్దరిని హతమార్చేందుకు ఆయన కుట్ర పన్నినట్లు ఎన్ఐఏ దర్యాప్తులో తేలింది. ఎన్కౌంటర్ స్పెషలిస్టుగా పేరున్న సచిన్ వాజే ఇద్దర్ని చంపి ‘ఎన్కౌంటర్’గా చిత్రీకరించేందుకు వ్యూహం పన్నినట్లు ఎన్ఐఏ గుర్తించింది. అయితే, ఈ ప్రణాళిక అమలు కాకపోవడంతో ప్లాన్-బి అమలు చేసినట్లు ఎన్ఐఏ పేర్కొంది.
ముకేశ్ అంబానీ ఇంటివద్ద పేలుడు పదార్థాల వాహనం కేసులో ప్రధాన నిందితుడిగా ఉన్న సచిన్ వాజేను సుదీర్ఘంగా ఎన్ఐఏ విచారించింది. ఇందులో భాగంగా సచిన్ వాజే ఇంటిలో ఓ వ్యక్తి పాస్పోర్టును స్వాధీనం చేసుకున్న ఎన్ఐఏ.. దాని ఆధారంగా దర్యాప్తును చేపట్టింది. దీంతో ఈ కేసులో మరో ట్విస్ట్ వెలుగులోకి వచ్చింది. పాస్పోర్టులో ఉన్న వ్యక్తితో పాటు మరో వ్యక్తిని హతమార్చేందుకు సచిన్ వాజే కుట్ర పన్నినట్లు తేలింది. ముకేశ్ అంబానీ ఇంటివద్ద కారును వీరిద్దరే నిలిపారని చిత్రీకరించి.. అనంతరం వీరిని ఎన్కౌంటర్లో హతమార్చాలని వాజే పన్నాగం పన్నినట్లు ఎన్ఐఏ గుర్తించింది. తద్వారా పేలుడు పదార్థాల వాహనం కేసును ముగించిన ఘనతను దక్కించుకోవాలని సచిన్ వాజే భావించినట్లు అధికార వర్గాలు భావిస్తున్నాయి.
ప్లాన్ బీ అమలు..
ఔరంగాబాద్లో దొంగిలించిన మారుతీ ఎకో కారులో బాంబును అమర్చి ముకేశ్ అంబానీ స్వగృహం ఆంటిలియా ఎదుట నిలుపాలని సచిన్ వాజే తొలుత ప్రణాళిక రచించారు. ఈ కారును ఇద్దరు వ్యక్తులు అక్కడ నిలిపి వెళ్లిపోవాలని అనుకున్నారు (ఆ కారుకు సంబంధించిన నంబర్ ప్లేటును మిథి నదిలో ఎన్ఐఏ బృందం కనుగొంది). కానీ, ఈ ప్రణాళిక అమలు కాలేదు. దీంతో ప్లాన్-బీ అమలు చేసిన సచిన్ వాజే.. ఫిబ్రవరి 25న పేలుడు పదార్థాలతో ఉన్న ఓ ఎస్యూవీ కారును అంబానీ ఇంటి ముందుంచారు. అనంతరం పోలీసులు దానిని స్వాధీనం చేసుకోవడం.. ఆ కారు యజమానిగా భావిస్తోన్న మన్సుఖ్ హిరేన్ హత్యకు గురికావడం వంటి ఘటనలు చోటుచేసుకున్నాయి. ఇక మన్సుఖ్ హిరేన్ హత్యలోనూ వాజే కీలక నిందితుడని ఇప్పటికే దర్యాప్తు అధికారులు గుర్తించారు. అయితే, ఎన్కౌంటర్ స్పెషలిస్టుగా పేరుండటంతో.. తనకు ఏమీ కాదులే అనే భరోసాతో ప్రణాళిక రచించినట్లు దర్యాప్తులో పాల్గొన్న ఓ అధికారి అభిప్రాయపడ్డారు.
కేసు సాధించిన ఘనత కోసమే..?
ముకేశ్ అంబానీ బెదిరింపుల కేసును ఛేదించి ఈ ఘనతను సాధించాలనే ఈ ఎన్కౌంటర్కు ప్రణాళిక రచించినట్లు ఎన్ఐఏ అధికారులు అనుమానిస్తున్నారు. అంతేకాకుండా దీనిపేరు చెప్పి భారీగా డబ్బును కూడా సొమ్ము చేసుకోవచ్చని సచిన్ వాజే అంచనావేసినట్లు తెలుస్తోంది. ఇదిలాఉంటే, మన్సుఖ్ హిరేన్ హత్య కేసును ఛేదించడంలో దర్యాప్తు అధికారులు తలలుపట్టుకుంటున్నారు. విచారణలో భాగంగా సచిన్వాజే మరికొందరి సీనియర్ పోలీసు అధికారుల పేర్లను వెల్లడించినట్లు తెలుస్తోంది. ఎన్ఐఏ దర్యాప్తు ముమ్మరం చేసినప్పటికీ సచిన్ వాజే వాడిన మొబైల్ ఫోన్ మాత్రం మిస్టరీగా మారింది. ఏదేమైనా ఆధారాలు లభ్యమయ్యేంతవరకూ ఎవ్వరినీ విడిచిపెట్టేది లేదని ఎన్ఐఏ స్పష్టం చేస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీవీప్యాట్ స్లిప్పులను వేగంగా లెక్కించలేరా?
ఎలక్ట్రానిక్ ఓటింగ్ యంత్రాల్లో(ఈవీఎం) నమోదైన ఓట్లతో వీవీప్యాట్ల స్లిప్పులను సరిపోల్చి లెక్కించే అంశంతో పాటు ఎన్నికల ప్రక్రియపై వస్తున్న సందేహాల నివృత్తి విషయంలో సుప్రీంకోర్టు పలు కీలక ప్రశ్నలు సంధించింది. -
శిల్పాశెట్టి-రాజ్కుంద్రాల రూ.98 కోట్ల ఆస్తుల జప్తు
బిట్కాయిన్ల మోసాలకు సంబంధించిన మనీలాండరింగ్ కేసులో నటి శిల్పా శెట్టి, ఆమె భర్త రాజ్కుంద్రాకు చెందిన రూ.97.79 కోట్ల ఆస్తులను ఎన్ఫోర్స్మెంట్ డైరెక్టరేట్ (ఈడీ) జప్తుచేసింది. -
బెయిల్ కోసం మిఠాయిలు తింటున్నారు
తిహాడ్ జైల్లో ఉన్న దిల్లీ ముఖ్యమంత్రి అరవింద్ కేజ్రీవాల్ ఆరోగ్య కారణాలు చూపి బెయిల్ పొందేందుకు ప్రయత్నిస్తున్నారని గురువారం ఎన్ఫోర్స్మెంట్ డైరెక్టరేట్ (ఈడీ)ఆరోపించింది. -
నిన్న అమీర్ఖాన్.. నేడు రణ్వీర్సింగ్
లోక్సభ ఎన్నికల సమయంలో కృత్రిమ మేధ ద్వారా రూపొందిస్తున్న డీప్ఫేక్ వీడియోలు సరికొత్త సవాళ్లు విసురుతున్నాయి. -
సంక్షిప్త వార్తలు (5)
మద్యం కుంభకోణం కేసులో ఆప్ నేత మనీశ్ సిసోదియాకు కోర్టు మరోసారి జుడిషియల్ కస్టడీని పొడిగించింది. -
హిమాచల్లో గ్రామానికి తొలిసారి మొబైల్ సౌకర్యం
హిమాచల్ప్రదేశ్లోని స్పిటీ ప్రాంతంలో మారుమూల గ్రామమైన గీవుకు తొలిసారిగా మొబైల్ సౌకర్యం అందుబాటులోకి వచ్చింది. ఈ సందర్భాన్ని పురస్కరించుకుని ప్రధానమంత్రి నరేంద్ర మోదీ గురువారం గ్రామస్థులతో 13 నిమిషాలకుపైగా మొబైల్లో ముచ్చటించారు. -
స్వదేశీ క్రూజ్ క్షిపణి పరీక్ష విజయవంతం
స్వదేశీ పరిజ్ఞాన క్రూజ్ క్షిపణి (ఐటీసీఎం)ని భారత్ గురువారం విజయవంతంగా పరీక్షించింది. ఒడిశాలోని చాందీపుర్లో ఉన్న ఇంటిగ్రేటెడ్ టెస్ట్ రేంజ్ (ఐటీఆర్) ఇందుకు వేదికైంది. -
చెవిటి, మూగ నిందితుల విచారణకు మార్గదర్శకాల జారీని పరిశీలిస్తాం: సుప్రీం
చెవిటి, మూగ నిందితుల విచారణ కోసం మార్గదర్శకాల జారీ అంశాన్ని పరిశీలించాలని సర్వోన్నత న్యాయస్థానం నిర్ణయించింది. -
నాలుగు నెలల్లో 80 మంది మావోయిస్టుల హతం!
ఛత్తీస్గఢ్లో ఈ ఏడాది దాదాపు 80 మంది మావోయిస్టులు మృతిచెందారని, 125 మందికి పైగా అరెస్టు కాగా, 150 మంది లొంగిపోయారని కేంద్ర హోంశాఖ గురువారం తెలిపింది. -
ఇండిగో ప్యాకేజ్డ్ ఆహారంలో అధిక ఉప్పు!
ప్రముఖ విమానయాన సంస్థ ఇండిగో అందించే ఆహారంలో మోతాదుకు మించి ఉప్పు ఉంటోందంటూ ఓ ఇన్ఫ్లుయెన్సర్ చేసిన వీడియోపై ఆ సంస్థ స్పందించింది. -
ఇరాన్ అదుపులో ఉన్న భారతీయ మహిళ విడుదల
ఇరాన్ స్వాధీనం చేసుకున్న ఇజ్రాయెల్ కుబేరుడికి చెందిన ఎంఎస్సీ ఏరీస్ వాణిజ్య నౌకలోని 17 మంది భారతీయ సిబ్బందిలో ఏకైక మహిళ అయిన అన్ టెస్సా జోసెఫ్ సురక్షితంగా విడుదలయ్యారు. -
స్వీపర్ తనయుడు.. సివిల్స్లో సత్తా చాటాడు
స్వీపర్ తనయుడు సివిల్స్లో సత్తా చాటాడు. మహారాష్ట్రకు చెందిన ప్రశాంత్ సురేశ్.. 849వ ర్యాంకు సాధించాడు. -
ఏమిటీ ‘బీ’ ఫారం.. దీనివల్ల ప్రయోజనమేంటీ?
నామినేషన్ సమయంలో ఎన్నికల అధికారులకు అభ్యర్థులు తమ పార్టీ ఇచ్చిన ఫారాన్ని దాఖలు చేస్తే ఆ పార్టీకి సంబంధించిన ఎన్నికల గుర్తును కేటాయిస్తారు.
తాజా వార్తలు (Latest News)
-
‘రాకెట్లకు అక్కడకు పంపిద్దాం’.. ఇరాన్-ఇజ్రాయెల్ ఘర్షణ వేళ మస్క్ పోస్ట్
-
‘టిల్లన్న వచ్చేస్తుండు’.. ఓటీటీలోకి స్ట్రీమింగ్ ఎక్కడంటే..?
-
ఆలస్యమైన మ్యాచ్.. హార్దిక్ పాండ్యకు జరిమానా
-
గరుడ ప్రసాద వితరణ.. చిలుకూరు బాలాజీ ఆలయ మార్గంలో భారీగా ట్రాఫిక్ జామ్
-
మా హయాంలో ఇచ్చిన నోటిఫికేషన్లను వారి ఖాతాలో వేసుకున్నారు: కేటీఆర్
-
మహేశ్బాబు-రాజమౌళి మూవీ.. వైరల్గా మారిన వీడియో