Published : 03/12/2021 23:38 IST

Covid: పశ్చిమ బెంగాల్‌లో బూస్టర్‌ డోసు ట్రయల్స్‌కు ఏర్పాట్లు!

కోల్‌కతా: కొత్త వేరియంట్‌ ‘ఒమిక్రాన్‌’ వ్యాప్తి నేపథ్యంలో ప్రపంచ దేశాలు అప్రమత్తమైన విషయం తెలిసిందే. వైరస్‌ కట్టడి క్రమంలో బూస్టర్‌ డోసుపై కూడా అవి దృష్టి సారించాయి. భారత్‌ సైతం ఈ విషయమై రెండు వారాల్లో సమగ్ర విధానాన్ని వెల్లడిస్తామని ఇదివరకే ప్రకటించింది. ఈ తరుణంలో త్వరలో కరోనా బూస్టర్ డోసు ట్రయల్స్‌ నిర్వహణకు పశ్చిమ బెంగాల్ ప్రభుత్వం సన్నద్ధమవుతోన్నట్లు.. ఆ రాష్ట్ర ఆరోగ్య శాఖ సీనియర్ అధికారి ఒకరు తెలిపారు. కోల్‌కతాలోని వివిధ వైద్య సంస్థల్లో సాధ్యాసాధ్య పరీక్షలు ప్రారంభించినట్లు శుక్రవారం వెల్లడించారు.

డీసీజీఐకు లేఖ రాశాం..

ట్రయల్స్‌లో భాగమయ్యేందుకు ఇప్పటి వరకు ఆరు ఆసుపత్రులు సుముఖత వ్యక్తం చేశాయని ఆ అధికారి చెప్పారు. ఇందులో మూడు ప్రభుత్వ వైద్యసంస్థలూ ఉన్నట్లు వెల్లడించారు. బూస్టర్‌ డోసు ట్రయల్స్‌కు ప్రణాళికలు రూపొందిస్తున్న నేపథ్యంలో.. ఈ ఆరు చోట్ల పరీక్షలు నిర్వహిస్తున్నట్లు ఆయన తెలిపారు. ఈ ట్రయల్స్‌ విషయమై ఇప్పటికే డ్రగ్స్ కంట్రోలర్ జనరల్ ఆఫ్ ఇండియా(డీసీజీఐ)కు లేఖ రాశామని.. అక్కడినుంచి సానుకూల సమాధానం వస్తుందని ఆశిస్తున్నామన్నారు. బూస్టర్ డోసుల ట్రయల్స్ కోసం వైద్యారోగ్య రంగంలోని వారికి ప్రాధాన్యం ఇవ్వనున్నారు. ఈ రంగంనుంచి సుమారు 600 మందిని ఎంపిక చేస్తారని ఆ అధికారి తెలిపారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని