Updated : 26/02/2021 06:31 IST

నేడు భారత్‌ బంద్‌

అఖిల భారత వ్యాపారుల సమాఖ్య పిలుపు

దిల్లీ: జీఎస్టీ నిబంధనలను సమీక్షించాలని డిమాండ్‌ చేస్తూ ఫిబ్రవరి 26 శుక్రవారం దేశవ్యాప్తంగా బంద్‌కు పిలుపునిస్తున్నట్లు అఖిల భారత వ్యాపారుల సమాఖ్య (సీఏఐటీ) తెలిపింది. ఈ నేపథ్యంలో శుక్రవారం దేశంలోని అన్ని వాణిజ్య మార్కెట్లు మూసిఉంటాయని వారు గురువారం తెలిపారు. జీఎస్టీ బిల్లును సమీక్షించాలన్న డిమాండ్‌తో పాటు పెరుగుతున్న గ్యాస్‌, పెట్రోల్‌ ధరలకు నిరసనగా ఈ బంద్‌కు పిలుపునిచ్చామని సీఏఐటీ జనరల్‌ సెక్రటరీ ప్రవీణ్‌ ఖండేల్‌వాల్‌ తెలిపారు. దేశవ్యాప్తంగా ఇంధన ధరలు ఒకేలా ఉండేలా చూడాలని డిమాండ్‌ చేస్తున్నామన్నారు. ఈ బంద్‌కు అఖిల భారత రవాణా సంక్షేమ సంఘం (ఏఐటీడబ్ల్యూఏ) తమ మద్దతును తెలిపింది. ఇందులో భాగంగా చక్కాజామ్‌కు పిలుపునిస్తున్నట్లు వారు తెలిపారు. భారత్‌ బంద్‌లో 40వేల వాణిజ్య సంఘాలు పాల్గొంటున్నాయని సీఏఐటీ తెలిపింది. నలభైలక్షల వాహనాలు నిలిపివేస్తామని తెలిపారు. దేశవ్యాప్తంగా 1,500 ప్రాంతాల్లో ఈ నిరసన ప్రదర్శనలు నిర్వహిస్తామని వారు వెల్లడించారు.

భారత్‌బంద్‌ నేపథ్యంలో జీఎస్టీ నిబంధనల్లో సవరణలు చేయాలంటూ గత ఆదివారం సీఏఐటీ ప్రధాని మోదీకి లేఖ రాసింది. ఈ-కామర్స్‌ సంస్థలపై నియంత్రణ చర్యలు చేపట్టాలని వారు అందులో పేర్కొన్నారు. జీఎస్టీ బిల్లులో సవరణలకు కేంద్రస్థాయి అధికారులతో ప్రత్యేక బృందాన్ని ఏర్పాటు చేయాలని వారు కోరారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని