Updated : 30/04/2021 15:52 IST

Coronaతో బిహార్‌ సీఎస్‌ కన్నుమూత 

పట్నా: కరోనా బారిన పడి సీనియర్‌ ఐఏఎస్‌ అధికారి, బిహార్‌ ప్రభుత్వ ప్రధాన కార్యదర్శి (సీఎస్‌) అరుణ్‌కుమార్‌ సింగ్‌ కన్నుమూశారు. ఇటీవల కరోనా సోకడంతో ఓ ఆస్పత్రిలో చేరిన ఆయన చికిత్స పొందుతూ శుక్రవారం ప్రాణాలు విడిచారు. 1985 బ్యాచ్‌కు చెందిన ఆయన బిహార్‌ క్యాడర్‌కు చెందిన ఐఏఎస్‌ అధికారి. జేడీయూ అధినేత నీతీశ్‌ కుమార్‌ నేతృత్వంలో బిహార్‌లో కొత్త ప్రభుత్వం ఏర్పాటైన తర్వాత ఈ ఏడాది ఫిబ్రవరిలోనే ఆయన సీఎస్‌గా నియమితులయ్యారు. గతంలో పలు హోదాల్లో పనిచేశారు. 

సీఎం నీతీశ్‌ దిగ్భ్రాంతి

అరుణ్‌కుమార్‌ సింగ్‌ మరణంపై బిహార్‌ సీఎం నీతీశ్‌ కుమార్‌ దిగ్భ్రాంతి వ్యక్తంచేశారు. కరోనా సోకి మరణించడంపై ఆవేదన వ్యక్తంచేశారు. ఈ మేరకు నీతీశ్‌ ట్వీట్‌ చేశారు. గొప్ప స్నేహశీలి అని, పలు హోదాల్లో విశేష సేవలందించారంటూ కొనియాడారు. ఆయన మరణం పరిపాలనా రంగానికి తీరని లోటన్నారు. అరుణ్‌కుమార్‌ సింగ్‌ అంత్యక్రియలను అధికార లాంఛనాలతో నిర్వహించనున్నట్టు సీఎం వెల్లడించారు. ఆయన ఆత్మకు శాంతి చేకూరాలని ప్రార్థించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని