Published : 07/11/2020 15:44 IST

బిహార్‌: 3గంటలకు 42.08% పోలింగ్‌

పట్నా: బిహార్‌లో మూడో దశ శాసనసభ ఎన్నికల పోలింగ్‌ కొనసాగుతోంది. కరోనా నిబంధనలు పాటిస్తూ ప్రజలు తమ ఓటు హక్కును వినియోగించుకుంటున్నారు. శనివారం మధ్యాహ్నం 3గంటల సమాయానికి 42.08శాతం పోలింగ్‌ నమోదైంది. ఈ మేరకు ఎన్నికల సంఘం ప్రకటించింది. జిల్లాల వారీగా చూసుకుంటే ఇప్పటివరకు సహస్ర జిల్లాలో అత్యధికంగా 48.98శాతం ఓటింగ్‌ జరగ్గా.. అత్యల్పంగా మధుబని జిల్లాలో 36.23శాతం పోలింగ్‌ నమోదైనట్లు ఈసీ పేర్కొంది. కాగా బిహార్‌ ఎన్నికల్లో తొలి రెండు దశలతో పోలిస్తే మూడో దశలో(ప్రస్తుత సమయానికి)ఓటింగ్‌ శాతం కాస్త ఎక్కువే నమోదవుతున్నట్లు ఈసీ వెల్లడించింది.

బెగుసరాయ్‌ నియోజకవర్గంలో ప్రజలు పోలింగ్‌ను బహిష్కరించారు. ఎన్డీయే హయాంలో తమ ప్రాంతంలో ఎలాంటి అభివృద్ధి జరగలేదని పేర్కొంటూ ఎవరూ ఓటింగ్‌లో పాల్గొనడానికి నిరాకరిస్తుండటంతో పోలింగ్‌ కేంద్రాలు నిర్మానుష్యంగా కనిపిస్తున్నాయని మీడియా వర్గాలు పేర్కొన్నాయి. 

బిహార్‌లో జరుగుతున్న ఎన్నికల్లో తొలి దశలో 55.69శాతం, రెండో దశలో 53.51శాతం పోలింగ్‌ నమోదైంది. శనివారం మూడో దశలో భాగంగా 16జిల్లాల్లోని 78శాసనసభ స్థానాలకు ఎన్నికలు కొనసాగుతున్నాయి. ఇందుకోసం ఈసీ కరోనా వ్యాప్తి జరగకుండా తగు జాగ్రత్తలు తీసుకుంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని