Updated : 27/09/2021 17:46 IST

Huawei: మూడేళ్ల తర్వాత చైనాకు చేరిన హువావే సీఎఫ్‌వో మెంగ్‌ వాన్‌ఝూ!

ఇంటర్నెట్‌డెస్క్‌: మూడేళ్లపాటు కెనడాలో హౌస్‌ అరెస్ట్‌ అయిన హువావే సీఎఫ్‌వో మెంగ్‌ వాన్‌ఝూ శనివారం రాత్రి చైనాకు చేరుకొన్నారు. ఆమెను అమెరికా అప్పగించే విషయమై జరుగుతున్న న్యాయపోరాటం ముగియటంతో ఇంటికి తిరిగి వచ్చారు. ఇది తన విజయంగా చైనా భావిస్తోంది. 

2018 డిసెంబర్‌ మెంగ్‌ అరెస్టుతో చైనా-అమెరికా మధ్య తీవ్ర ఉద్రిక్తతలు నెలకొన్నాయి. ఇరాన్‌పై ఆంక్షలను ఆమె ఉల్లంఘించి అమెరికా టెక్నాలజీని అందజేశారనే ఆరోపణలు ఎదుర్కొంటున్నారు. ఆమె అరెస్టుకు ట్రంప్‌ రాజకీయ ఉద్దేశాలే కారణమని చైనా ఆరోపించింది. అంతేకాదు, చైనా- అమెరికా, కెనడాలతో ఘర్షణ వాతావరణం నెలకొంది. ఈ క్రమంలో కెనడాకు చెందిన మిషెల్‌ కోవ్రిగ్‌, మిషెల్‌ స్పావొర్‌లను చైనా అరెస్టు చేసింది. మెంగ్‌ విడుదలైన కొద్ది గంటల్లోనే వీరు కూడా విడుదలయ్యారు. శనివారం సాయంత్ర మెంగ్‌ షెన్‌జెన్‌లోని హువావే హెడ్‌క్వార్టర్స్‌కు చేరుకొన్నారు. మిషెల్‌ స్పవొర్‌ ఉత్తరకొరియాతో వ్యాపార సంబంధాలు ఉన్నాయి. ఇక కోవ్రిగ్‌ మాజీ దౌత్యవేత్త. 

మెంగ్‌ కోసం చైనా ప్రభుత్వం ప్రత్యేకంగా ఛార్టర్డ్‌ విమానాన్ని ఏర్పాటు చేసింది. షెన్‌జెన్‌లో విమానంలోకి దిగే సమయంలో కింద భారీ సంఖ్యలో ప్రజలు ఉన్నారు. ఈ సందర్భంగా మెంగ్‌ మాట్లాడుతూ ఎట్టకేలకు దేశానికి తిరిగి వచ్చానని పేర్కొన్నారు. ఈ సందర్భంగా చైనా కమ్యూనిస్టు పార్టీ, అధ్యక్షుడు షీ జిన్‌పింగ్‌కు ధన్యవాదాలు తెలిపారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని