Published : 13/01/2020 09:30 IST

ఇరాక్‌లో తాజా దాడిపై అమెరికా ఆగ్రహం

వాషింగ్టన్‌: ఇరాక్‌లో అమెరికా సైనికులు ఉన్న స్థావరాలపై ఆదివారం జరిగిన దాడిని అగ్రరాజ్యం తీవ్రంగా ఖండించింది. తాజా చర్య పట్ల ఆ దేశ విదేశాంగమంత్రి మైక్‌ పాంపియో తీవ్ర ఆగ్రహం వ్యక్తం చేశారు. ఈ దాడి వెనక ఉన్న వారిని వీలైనంత త్వరగా పట్టుకోవాలని ఇరాక్‌ ప్రభుత్వాన్ని కోరారు. ఇరాక్‌ ప్రభుత్వానికి విధేయులుగా లేని కొంతమంది ఆ దేశ సార్వభౌమత్వంపై తరచూ దాడి చేస్తున్నారని.. దీనికి స్వస్తి పలకాల్సిన అవసరం ఉందని వ్యాఖ్యానించారు. పరోక్షంగా ఇరాక్‌లోని ప్రభుత్వ వ్యతిరేకులే ఇలాంటి దాడులకు పాల్పడుతున్నారని ఆయన ఆరోపించారు. 

ఇరాక్‌లో అమెరికా బలగాలు మోహరించిన ఒక సైనిక స్థావరంపై ఆదివారం మరోసారి రాకెట్‌ దాడి జరిగింది. బాగ్దాద్‌ సమీపంలోని అల్‌-బలాద్‌ వైమానిక స్థావరంపై ఆదివారం 8 రాకెట్లు పడ్డాయి. ఇందులో ఇరాక్‌ వైమానిక దళానికి చెందిన నలుగురు గాయపడ్డారు. ఇక్కడ కొద్ది సంఖ్యలో అమెరికా సైనికులు, కాంట్రాక్టర్లు ఉన్నారు. ఇరాన్‌తో ఉద్రిక్తతలు నెలకొన్న నేపథ్యంలో అమెరికా బలగాలు దాదాపుగా ఈ స్థావరాన్ని ఖాళీ చేశాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని