ఫ్లోరిడాలో కాల్పులు.. ఇద్దరు మృతి

ఫ్లోరిడా: అమెరికాలో మరోసారి కాల్పుల కలకలం చోటుచేసుకుంది. ఫ్లోరిడాలో శనివారం మధ్యాహ్నం జరిగిన కాల్పుల్లో ఇద్దరు మృతి చెందారు. మరో ఇద్దరు తీవ్రంగా గాయపడ్డారు. చనిపోయిన వారిలో ఓ మైనర్‌ బాలుడు ఉన్నాడు. పోలీసుల వివరాల ప్రకారం.. రివియెరా బీచ్ సమీపంలోని విక్టరీ సిటీ చర్చి వద్ద అంత్యక్రియలకు హాజరై వస్తున్న సమూహంపై దుండగులు ఒక్కసారిగా కాల్పులకు తెగబడ్డారు. మొత్తం 15 రౌండ్ల కాల్పులు జరిగినట్లు పోలీసులు నిర్ధరించారు. దుండగుల కోసం ముమ్మర గాలింపు జరుగుతోంది. గాయపడ్డవారి ఆరోగ్య పరిస్థితిపై ఇప్పటివరకు ఆస్పత్రి వర్గాలు ఎలాంటి హెల్త్‌ బులెటిన్ విడుదల చేయలేదు.