Published : 04/02/2020 19:53 IST

ఎదురొచ్చిన బైకర్స్‌ను సింహం ఏం చేసిందంటే!

అహ్మదాబాద్‌: సింహాన్ని జూలో చూస్తేనే దాని గాండ్రింపులకు హడలిపోతాం. అలాంటిది అడవిలో బైకుపై వెళ్తుండగా..హఠాత్తుగా మూడు సింహాలు ఎదురుగా వస్తే..! ఆ పరిస్థితిని ఊహించుకుంటేనే గుండె అదిరిపోతోంది కదా. నిజమే గుజరాత్‌లోని గిర్‌ నేషనల్‌ పార్కు,లో ఇద్దరు వ్యక్తులకు ఇలాంటి సంఘటనే ఎదురైంది. అప్పుడేం జరిగిందో తెలుసా..!

గిర్‌ జాతీయ పార్కులోని ఓ మట్టి రోడ్డుపై ఇద్దరు వ్యక్తులు బైక్‌పై వెళ్తుండగా.. రెండు కూనలతో కలిసి ఓ సింహం హఠాత్తుగా ఎదురుపడింది. ఆ ఇద్దరిపై ప్రాణాలు పైనే పోయినట్టున్నాయ్‌! చేసేదేమీలేక బైకును నిలిపేశారు. అంతలో సింహం ఏం ఆలోచించిందో ఏమో.. బైకర్లకు దారిచ్చి కూనలతో కలిసి పక్కకు తప్పుకొని వెళ్లిపోయింది. దీంతో వారిద్దరూ బతుకుజీవుడా అని బయటపడ్డారు.

సాధారణంగా సింహాన్ని క్రూర జంతువు అంటాం కదా. ఈ వీడియోను చూస్తే.. ఆది తప్పేమో అనిపించక మానదు. ఎందుకంటే అక్కడ సింహం ప్రవర్తన అలా ఉంది మరి. ఈ వీడియోను రాజ్యసభ ఎంపీ పరిమల్‌ నత్వానీ ట్విటర్‌లో పోస్టు చేయడంతో సామాజిక మాధ్యమాల్లో వైరల్‌గా మారింది.

 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని