వలస జాతుల సంరక్షణకు ప్రణాళిక సిద్ధం: మోదీ

గాంధీనగర్‌‌: భూతాపం తగ్గించే విషయంలో పారిస్‌ ఒప్పందానికి లోబడి పనిచేస్తున్న దేశాల్లో భారత్ ఒకటని ప్రధాని నరేంద్ర మోదీ అన్నారు.  గుజరాత్‌లోని గాంధీనగర్‌లో నిర్వహించిన వలస జాతుల సంరక్షణ సదస్సును ఉద్దేశించి వీడియో కాన్ఫరెన్స్‌ ద్వారా మోదీ ప్రసంగించారు. మధ్య ఆసియా ఫ్లైవే వెంట వలస పక్షులను సంరక్షించడానికి భారతదేశం జాతీయ కార్యాచరణ ప్రణాళిక సిద్ధం చేసిందన్నారు. పర్యావరణ పరిరక్షణ, సుస్థిర జీవనశైలి, పర్యావరణహిత అభివృద్ధే ప్రధాన సూత్రాలుగా వాతావరణ మార్పు సమస్యను ఎదుర్కొనేందుకు భారత్‌ కృషి చేస్తోందని ప్రధాని ఉద్ఘాటించారు.