Published : 06/03/2020 22:28 IST

భారత్‌లో ఇరాన్‌ పర్యాటకులకు కరోనా పరీక్షలు

చండీగఢ్‌: ప్రపంచదేశాలను వణికిస్తున్న కరోనా (కొవిడ్-19) వైరస్‌ భారత్‌లోనూ ప్రవేశించిన సంగతి తెలిసిందే. ఇప్పటివరకు భారత్‌లో 31 కరోనా కేసులు నమోదయ్యాయి. తాజాగా కరోనా అనుమానంతో ఇరాన్‌కు చెందిన 13 మంది పర్యాటకులను పంజాబ్‌లోని అమృత్‌సర్‌లోని ఓ హోటల్‌లో వైద్యుల పర్యవేక్షణలో ఉంచినట్లు అక్కడి అధికారులు తెలిపారు. వీరంతా గురువారం రాత్రి అమృత్‌సర్‌ చేరుకున్నట్లు సమాచారం. వారిని హోటల్ గదులు దాటి బయటకు రావొద్దని కోరినట్లు అధికారులు వెల్లడించారు.

‘‘ప్రస్తుతం ఇరాన్‌కు చెందిన 13 మంది పర్యాటకులు వైద్యుల పర్యవేక్షణలో ఉన్నారు. వారికి మేం వైద్య పరీక్షలు నిర్వహిస్తున్నాం. పరీక్షలు ముగిసేంత వరకు వారిని హోటల్ దాటి బయటకు వెళ్లొద్దని కోరాం. వారిలో ఎవరికైనా కరోనా లక్షణాలు ఉన్నట్లు గుర్తిస్తే వారి నుంచి రక్త నమూనాలను సేకరించి పరీక్షల కోసం పంపుతాం’’ అని ప్రభ్‌దీప్ కౌర్ అనే వైద్య అధికారిణి తెలిపారు. పంజాబ్‌ ముఖ్యమంత్రి అమరీందర్‌ సింగ్ పరిస్థితిపై సమీక్ష నిర్వహించి, ముందస్తు జాగ్రత్తలపై చర్చించినట్లు సమాచారం. ఇక పొరుగు దేశం భూటాన్‌లో కూడా తొలి కరోనా కేసు నమోదయినట్లు ఆ దేశం ప్రకటించింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని