నాలుగు నెలల కనిష్ఠానికి టోకు ద్రవ్యోల్బణం

దిల్లీ: మార్చి నెలలో టోకు ధరల ఆధారిత ద్రవ్యోల్బణం(డబ్ల్యూపీఐ) నాలుగు నెలల కనిష్ఠానికి చేరింది. ఈ మేరకు కేంద్ర ప్రభుత్వం బుధవారం గణాంకాలు విడుదల చేసింది. ఫిబ్రవరిలో 2.26 శాతంగా ఉన్న ఈ సూచీ మార్చిలో 1శాతానికి చేరినట్లు తెలిపింది. గత నెలలో ఆహార పదార్థాల ధరలు పడిపోవడమే దీనికి కారణమని స్పష్టం చేసింది. ఇక ఫిబ్రవరిలో 7.79గా ఉన్న ఆహార ద్రవ్యోల్బణ సూచీ మార్చిలో 4.91కి చేరిందని కేంద్ర వాణిజ్య, పరిశ్రమల శాఖ వెల్లడించింది. కూరగాయాల ద్రవ్యోల్బణం 29.97 నుంచి 11.90కు పడిపోయింది. అయితే ఉల్లి ద్రవ్యోల్బణం మాత్రం 112.31శాతంగా కొనసాగుతోందని వెల్లడించింది. మార్చి 23 నుంచి అమల్లోకి వచ్చిన లాక్‌డౌన్‌ ప్రభావం ఈ గణాంకాల కోసం సేకరించిన సమాచారంపై పడిందని వివరించింది.

ఇవీ చదవండి...
ఇష్టానుసారం కరెన్సీ నోట్లు ముద్రించలేం

భారత్‌ జీడీపీ 1.9 శాతమే