Published : 06/05/2020 22:14 IST

ఇంట్లో దూరం దూరంగానే..

దిల్లీ: భారతీయులు కరోనా వైరస్‌ మహమ్మారిని చాలా తీవ్రంగా పరిగణిస్తున్నారని, చాలామంది వ్యక్తిగత దూరం నియమాలను కచ్చితంగా అమలు చేస్తున్నారని ఓ అధ్యయనంలో వెల్లడైంది. గుంపులుగా ఉన్న ప్రాంతాల్లోకి వెళ్లడానికి ఇష్టపడటం లేదని పేర్కొంది. గ్లోబల్ పబ్లిక్‌ ఒపీనియన్ కంపెనీ యూగవ్‌, ఇనిస్టిట్యూట్ ఆఫ్ గ్లోబల్ హెల్త్‌ ఇన్నోవేషన్‌(ఐజీహెచ్‌ఐ) సంయుక్తంగా ఈ సర్వే నిర్వహించాయి. పట్టణప్రాంతాల్లోని సుమారు 10 ప్రాంతాల్లో ఏప్రిల్ 20 నుంచి 26 మధ్యలో ఈ వివరాలను సేకరించాయి. 

ఏ మందూలేని కరోనా వైరస్‌ కట్టడికి ప్రధాన ఆయుధం వ్యక్తిగత దూరమేనని వైద్య నిపుణులు చెప్తూనే ఉన్నారు. దాంతో వైరస్‌ సోకకుండా రోగ లక్షణాలు కనిపించిన వారికి 87 శాతం మంది దూరంగా ఉండటానికి ప్రయత్నిస్తున్నారని ఆ సర్వే వెల్లడించింది. లాక్‌డౌన్ నిబంధనలు అమల్లో ఉండటంతో 74 శాతం మంది సాధ్యమైనంత తక్కువసార్లు దుకాణాలకు వెళ్తున్నామని చెప్పినట్లు పేర్కొంది. అలాగే 56 శాతం మంది ఇంట్లో కూడా  దూరాన్ని పాటిస్తున్నట్లు చెప్పారని, వేరుగా తింటున్నారని, పడుకొనే సమయంలో విడివిడి గదులు వాడుతున్నారని ఆ సర్వే పేర్కొంది. అయితే ప్రపంచ వ్యాప్తంగా కరోనా ఉద్ధృతి మాత్రం పెరుగుతూనే ఉంది. బాధితుల సంఖ్య 36లక్షలు దాటిపోయింది. అమెరికా, స్పెయిన్, ఇటలీ, ఫ్రాన్స్‌, బ్రిటన్‌లలో ఈ వైరస్‌ తీవ్ర రూపం దాల్చింది. ఇదిలా ఉండగా మనదేశంలో కరోనా బాధితుల సంఖ్య 50 వేలకు చేరువలో ఉంది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని