Published : 11/05/2020 08:22 IST

అమెరికా ఉపాధ్యక్షుడికీ తప్పని క్వారంటైన్‌

వాషింగ్టన్‌: ప్రపంచంలోనే అత్యంత సురక్షితమైన, కట్టుదిట్టమైన భద్రత, నిత్యం పటిష్ఠ పహారా ఉండే అమెరికా శ్వేతసౌధం సైతం తన ప్రవేశానికి అతీతమేం కాదని నిరూపిస్తోంది కరోనా వైరస్‌. ఏకంగా దాని మెడలు వంచేందుకు ఏర్పాటైన కార్యదళాన్నే భయం గుప్పిట్లోకి నెట్టింది. ఇప్పటికే బృందంలో ఉన్న ఉన్నత స్థాయి శాస్త్రవేత్తలు స్వీయ నిర్బంధంలోకి వెళ్లగా.. తాజాగా ఉపాధ్యక్షుడు మైక్‌ పెన్స్‌ సైతం ఇంటికే పరిమితం కావాలని నిర్ణయించుకున్నారు. ఇటీవల తన సిబ్బందిలోని ఓ వ్యక్తికి కరోనా సోకినట్లు నిర్ధారణ అయిన నేపథ్యంలోనే ఆయన ఈ నిర్ణయం తీసుకున్నారు. నాటి నుంచి ప్రతిరోజు జరుపుతున్న పరీక్షల్లో నెగిటివ్‌ అని తేలుతున్నప్పటికీ.. వైద్యుల సూచన మేరకు ఇతరులకు దూరంగా ఉండాలని నిర్ణయించుకున్నారని అధికారులు తెలిపారు. 

అంతకుముందు అలర్జీ, అంటువ్యాధుల నివారణ జాతీయ సంస్థ డైరెక్టర్‌ ఆంథోనీ ఫౌచీ, వ్యాధి నియంత్రణ, నివారణ కేంద్రాల డైరెక్టర్‌ రాబర్డ్‌ రెడ్‌ఫీల్డ్‌, ఆహార, ఔషధ పరిపాలన విభాగం కమిషనర్‌ స్టీఫెన్‌ హాన్‌లు స్వీయ నిర్బంధంలోకి వెళ్లినట్లు అధికారవర్గాలు తెలిపాయి. వీరంతా కరోనాపై పోరాటం కోసం ఏర్పాటైన శ్వేతసౌధం కార్యదళంలో కీలక సభ్యులు. తాజాగా వీరికి నేతృత్వం వహిస్తున్న మైక్‌ పెన్స్‌ సైతం స్వీయ నిర్బంధంలోకి వెళ్లారు. ఇకపై వీరందరికీ క్రమం తప్పకుండా పరీక్షలు నిర్వహించనున్నారు. అధ్యక్షుడు ట్రంప్‌ కుమార్తె ఇవాంక సహాయకురాలికి, మైక్‌ పెన్స్‌ మీడియా కార్యదర్శి కేటీ మిల్లర్‌కు కొవిడ్‌-19 పాజిటివ్‌ అని నిర్ధారణ అయిన విషయం తెలిసిందే. అంతకుముందు ట్రంప్‌ సహాయకుల్లో ఒకరు గురువారం మహమ్మారి బారిన పడ్డారు. ఇలా శ్వేతసౌధంలో మొత్తం ముగ్గురు వైరస్‌ బారినపడ్డ నేపథ్యంలో వీరంతా స్వీయ నిర్బంధంలోకి వెళ్లారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని