Updated : 28/05/2020 12:17 IST

‘పుల్వామా’ తరహా కుట్ర భగ్నం!

ఛేదించిన భద్రతా దళాలు..

శ్రీనగర్‌: పుల్వామాలో భారీ పేలుళ్లు జరిపేందుకు ఉగ్రవాదులు పన్నిన కుట్రను భద్రతా బలగాలు ఛేదించాయి. 2019లో 40మంది సీఆర్పీఎఫ్‌ జవాన్లు పొట్టనపెట్టుకున్న ఉగ్రవాదులు మరోమారు అదే తరహా కుట్ర అమలు చేసేందుకు సిద్ధమయ్యారు. చివరి నిమిషంలో పేలడానికి సిద్ధంగా ఉన్న కారు బాంబును భద్రతా దళాలు గుర్తించి ధ్వంసం చేశాయి. విశ్వసనీయ సమాచారంతో రంగంలోకి దిగిన సీఆర్‌పీఎఫ్‌, ఆర్మీ, పోలీసులు ఈ ఆపరేషన్‌ నిర్వహించారు.

బాంబు అమర్చిన కారులో ఓ ఉగ్రవాది సంచరిస్తున్నట్లు పుల్వామా పోలీసులకు ఇటీవల సమాచారం అందింది. దీంతో అప్రమత్తమైన పోలీసులు, భద్రతా సిబ్బంది బృందాలుగా ఏర్పడి తనిఖీలు మొదలుపెట్టారు. బుధవారం రాత్రి ఒకచోట ఆ వాహనం కోసం కాపుకాచారు. చీకటి పడిన సమయంలో అనుమానిత వాహనం అక్కడకు చేరింది. దీంతో వెంటనే బలగాలు దానిపై కాల్పులు జరిపాయి. దీంతో వాహనంలో ఉన్న వ్యక్తి పారిపోయాడు. అయితే వాహనం వెనుక భారీ డ్రమ్ములో పేలుడు పదార్థాలు అమర్చినట్లు గుర్తించారు. దీంతో మరింత అప్రమత్తమైన పోలీసులు బాంబు నిర్వీర్య బృందాలను పిలిపించారు. వారు కూడా వాహనంలో భారీ ప్రమాదం పొంచి ఉందని తేల్చారు. దీంతో ఆ కారును బలగాలు పేల్చేశాయి. ఆ సమయంలోనే స్థానికులను అక్కడి నుంచి దూరప్రాంతాలకు తరలించారు.

 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని