Updated : 06/06/2020 23:53 IST

కరోనాతో మహిళ మృతి.. 91మందికి క్వారంటైన్‌


 

జైపూర్‌: ముంబయి నుంచి రైలులో వచ్చిన ఓ 65 ఏళ్ల మహిళ జైపూర్‌ రైల్వేస్టేషన్‌లో కరోనాతో మృతి చెందింది. దీంతో అప్రమత్తమైన అధికారులు ఆమెతో పాటు ఆ బోగీలో ప్రయాణించిన 91మందిని క్వారంటైన్‌ కేంద్రాలకు తరలించారు.

వివరాల్లోకి వెళ్తే.. ఓ మహిళ ముంబయి నుంచి జైపూర్‌కు రైలులో ప్రయాణించింది. గురువారం జైపూర్‌ రైల్వేస్టేషన్‌కు చేరుకున్న ఆమె.. ప్లాట్‌ఫాం మీద సొమ్మసిల్లి పడిపోయింది. ప్రాథమిక చికిత్స పొందుతూ ఆమె మృతి చెందింది. నిబంధనల ప్రకారం అధికారులు ఆమె మృతదేహం నుంచి రక్త నమూనాలు సేకరించి పరీక్షలకు పంపారు. శుక్రవారం వెలువడిన నివేదికల్లో ఆమెకు కరోనా పాజిటివ్‌గా నిర్ధారణ అయ్యింది. ఆమె వద్ద ఫోన్‌, ఎలాంటి గుర్తింపుకార్డు లేవని, వివరాలు తెలుసుకునేందుకు ప్రయత్నిస్తున్నామని అధికారులు తెలిపారు. ముంబయి రైల్వేస్టేషన్‌లో ఆమెను సరిగ్గా పరీక్షించారా లేదా అనే దానిపై దర్యాప్తు చేస్తున్నట్లు స్థానిక అధికారులు చెప్పారు. ఆమెతో పాటు ఆ బోగీలో ప్రయాణించిన 91మందిని క్వారంటైన్‌కు తరలించామన్నారు.
రాజస్థాన్‌లో తాజాగా 222 కరోనా కేసులు నమోదు కాగా, మొత్తం కేసుల సంఖ్య 10,084కు చేరినట్లు ఆరోగ్య మంత్రిత్వ శాఖ తన బులిటెన్‌లో పేర్కొంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని