Published : 18/06/2020 22:49 IST

రాహుల్ వాస్తవాలు తెలుసుకోండి

దిల్లీ: గల్వాన్‌ ఘటనలో భారత్‌ సైనికులను నిరాయుధులుగా పంపడం వల్లనే ప్రాణాలు కోల్పోయారని కాంగ్రెస్‌ నేత రాహుల్ గాంధీ చేసిన వ్యాఖ్యలను కేంద్ర మంత్రి జయ్‌శంకర్‌ తప్పుబట్టారు. ఈ మేరకు కేంద్ర విదేశీ వ్యవహారాల శాఖ మంత్రి జయ్‌శంకర్‌ ట్విటర్‌ ద్వారా రాహుల్‌కు బదులిచ్చారు. ‘‘ఇప్పుడు సూటిగా వాస్తవాలను తెలుసుకుందాం. సరిహద్దులో విధులు నిర్వహించే సైనిక దళాలు తమతో తప్పక ఆయుధాలను తీసుకెళ్తాయి. మన సైనికులు జూన్‌ 15 తేదీన గల్వాన్‌కు కూడా ఆయుధాలను తీసుకెళ్లారు. అయితే 1996, 2005 సంవత్సరాల్లో కుదిరిన ఒప్పందం మేరకు సరిహద్దులో ముఖాముఖి ఘర్షణ చోటు చేసుకుంటే ఆయుధాలు ఉపయోగించకూడదు నిబంధన ఉంది’’ అని జయ్‌శంకర్‌ పేర్కొన్నారు. గురువారం రాహుల్ గాంధీ గల్వాన్‌ ఘటనపై స్పందిస్తూ ‘‘నిరాయుధులైన మన సైనికులను చంపేందుకు చైనాకు ఎంత ధైర్యం?ఆయుధాలు లేకుండా మన సైనికులను ఎందుకు ప్రాణత్యాగం కోసం పంపారు’’ అని ట్వీట్ చేసిన సంగతి తెలిసిందే.

తూర్పు లద్దాఖ్‌లోని గల్వాన్‌ లోయలో చైనా బలగాలతో జరిగిన ఘర్షణలో 20 మంది భారత్ సైనికులు అమరులైన విషయం తెలిసిందే. సుమారు ఐదు దశాబ్దాల తర్వాత ఇరు దేశాల మధ్య ఈ ఘర్షణ చోటుచేసుకుంది. చైనా తరపున కూడా సుమారు 43 మంది మరణించడమో, గాయపడి ఉండడమో జరిగిందని భారత బలగాలు పేర్కొంటున్నాయి. ఈ నేపథ్యంలో సరిహద్దుల్లో ఉద్రిక్త పరిస్థితులను తగ్గించేందుకు ఇరు దేశాల ఉన్నస్థాయి అధికారులు చర్చలు జరుపుతున్నారు 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని