Published : 20/06/2020 01:39 IST

పొగబెట్టి.. ఉగ్రవాదులను వెలికి రప్పించి..!

కశ్మీర్‌లో 8మంది ముష్కరులు హతం

శ్రీనగర్‌: జమ్మూకశ్మీర్‌లో గత 24 గంటల్లో జరిగిన రెండు వేర్వేరు ఎన్‌కౌంటర్లలో భద్రతా బలగాలు ఎనిమిది మంది ఉగ్రవాదుల్ని మట్టుబెట్టాయి.  పుల్వామా జిల్లాలోని పాంపోర్‌, షోపియాన్‌ ప్రాంతాల్లో ఉగ్రవాదులు ఉన్నట్లు గురువారం పక్కా సమాచారం అందింది. దీంతో భద్రతా బలగాలు వెంటనే రంగంలోకి దిగి నిర్బంధ తనిఖీలు నిర్వహించాయి. 

పాంపోర్‌లో ముగ్గురు ముష్కరులు ఓ ఇంట్లో నక్కి ఉండటాన్ని గమనించిన దళాలు ఆ ప్రదేశాన్ని చుట్టుముట్టాయి. ముష్కరులు కాల్పులకు తెగబడడంతో భద్రతా దళాలు ఎదుదాడిని ప్రారంభించాయి. దీంతో ఓ ఉగ్రవాది అక్కడికక్కడే హతమయ్యాడు. మరో ఇద్దరు తప్పించుకొని ఓ మసీదులోకి చొరబడ్డారు. దీంతో రాత్రివేళ బలగాలు ఆ మసీదును చుట్టుముట్టాయి. ముష్కరులు ఎంతకూ బయటకు రాకపోవడంతో శుక్రవారం తెల్లవారుజాము సమయంలో టియర్‌ గ్యాస్‌ షెల్స్‌ ప్రయోగించారు. దట్టమైన పొగ అలుముకోవడంతో మసీదు వెలుపలికి వచ్చిన ముష్కరులు బలగాలపైకి కాల్పులు ప్రారంభించారు. ఎదురుకాల్పులు జరిపిన దళాలు వారిని అక్కడికక్కడే అంతమొందించాయి. మసీదు పవిత్రతకు ఎలాంటి భంగం కలిగించకుండానే ముష్కరుల్ని మట్టుబెట్టినట్లు కశ్మీర్‌ ఐజీ విజయ్‌ కుమార్‌ తెలిపారు. 

ఇక షోపియాన్‌ ప్రాంతంలో జరిగిన ఆపరేషన్‌లో గురువారం సాయంత్రం నుంచి ఐదుగురు ముష్కరుల్ని మట్టుబెట్టారు. వీరంతా ఏ ఉగ్రసంస్థకు చెందిన వారన్నదానిపై పోలీసులు విచారణ జరుపుతున్నారు. 

గత కొన్నిరోజులుగా కశ్మీర్‌లో ఉగ్రవాదులపై బలగాలు ఉక్కుపాదం మోపుతున్నాయి. గత రెండు వారాల వ్యవధిలో దాదాపు 25 మంది ఉగ్రవాదులను మట్టుబెట్టాయి. అంతకుముందుకు హిజ్బుల్‌ ముజాహిదీన్‌, లష్కరే తోయిబా, జైషే మహ్మద్‌కు చెందిన కీలక కమాండర్లను సైన్యం అంతమొందించిన విషయం తెలిసిందే.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని