Updated : 29/06/2021 11:34 IST

Rajnath: కవ్విస్తే.. కఠిన చర్యలే

 చైనాకు రాజ్‌నాథ్‌ హెచ్చరిక

దిల్లీ: భారత్‌ ఎన్నడూ ఆక్రమణలకు పాల్పడదని, కానీ ఎవరైనా కవ్వించాలని ప్రయత్నిస్తే తగిన సమాధానం ఇవ్వడానికి సర్వసన్నద్ధంగా ఉంటుందని రక్షణ మంత్రి రాజ్‌నాథ్‌ సింగ్‌ స్పష్టంచేశారు. సోమవారం తూర్పు లద్దాఖ్‌లోని యుద్ధక్షేత్రానికి సమీపంలో సైనికులను ఉద్దేశించి ఆయన మాట్లాడారు. మూడు రోజుల పర్యటన నిమిత్తం ఆ ప్రాంతానికి వెళ్లిన ఆయన రెండో రోజున సైనికులను కలిశారు. తన ప్రసంగంలో చైనాకు సూటిగా సందేశం ఇచ్చారు. ‘‘భారత్‌ శాంతికాముక దేశం. ఎవర్నీ ఎప్పుడూ బెదిరించలేదు. ఎవరైనా బెదిరిస్తే సహించబోదు. ఉత్తర సరిహద్దులో గత ఏడాది పెద్ద సవాళ్లను ఎదుర్కొన్నాం. ప్రతి సవాలుకు మన సైన్యం జవాబు ఇచ్చింది. ధైర్యం, అంకిత భావాన్ని ప్రదర్శించింది. పొరుగువారం ఎప్పటికీ ఇరుగుపొరుగువారిగానే ఉంటాం. సమస్యలను చర్చల ద్వారానే పరిష్కరించుకోవాలి’’ అని అన్నారు. ఈ ప్రాంతంలో బోర్డర్‌ రోడ్స్‌ ఆర్గనైజేషన్‌ (బీఆర్‌ఓ) నిర్మించిన 63 వంతెనలను ప్రారంభించారు. లద్దాఖ్‌ అభివృద్ధికి ప్రభుత్వం ప్రాధాన్యం ఇస్తోందని, అందుకే దీన్ని కేంద్ర పాలిత ప్రాంతంగా మార్చిందని తెలిపారు. లద్దాఖ్‌లో కూడా రాజకీయ ప్రక్రియ మొదలుకావాలని ప్రధాని కోరుకుంటున్నారని, ఇక్కడివారితో ఆయన త్వరలో మాట్లాడుతారని అన్నారు. జమ్మూ-కశ్మీర్‌ రాష్ట్రాన్ని రెండు కేంద్రపాలిత ప్రాంతాలుగా మార్చిన తరువాత ఇక్కడ ఉగ్రవాద చర్యలు బాగా తగ్గాయని తెలిపారు. దేశ భద్రతకు ప్రోత్సాహం ఇచ్చినట్టయిందని అన్నారు. మౌలిక వసతుల కల్పనలో బీఆర్‌ఓ చేస్తున్న కృషిని ప్రశంసించారు. 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని