Updated : 26/09/2021 13:06 IST

3D printed vaccine: సూది లేకుండా పట్టీ రూపంలో టీకా!

త్రీడీ ముద్రణ పరిజ్ఞానంతో అమెరికా శాస్త్రవేత్తల ఘనత

చాపెల్‌ హిల్‌: సూది అవసరం లేకుండానే వ్యాక్సిన్‌ ఇచ్చేందుకు అమెరికా శాస్త్రవేత్తలు ఒక చిన్నపాటి పట్టీని అభివృద్ధి చేశారు. ఇంజెక్షన్‌ రూపంలో ఇచ్చే సాధారణ వ్యాక్సిన్‌ కన్నా ఇది మెరుగ్గా పనిచేస్తుందని వారు తెలిపారు. త్రీడీ ముద్రణ పరిజ్ఞానంతో దీన్ని తయారుచేశారు. చర్మంలో రోగ నిరోధక కణాలు ఎక్కువగా ఉంటాయి. టీకాలకు లక్ష్యాలు ఇవే. చర్మానికి ఈ పట్టీని అతికించడం ద్వారా నేరుగా మంచి ఫలితాలను రాబట్టవచ్చని శాస్త్రవేత్తలు పేర్కొన్నారు. ఇంజెక్షన్‌ ద్వారా చేతి కండరంలోకి నేరుగా చేరవేసిన టీకా కన్నా ఇది 10 రెట్లు సమర్థంగా పనిచేస్తుందని తెలిపారు. రోగ నిరోధక వ్యవస్థకు సంబంధించిన టి-కణ స్పందనను 50 రెట్లు ఎక్కువగా కలిగిస్తుందని గుర్తించారు. పాలీమర్‌ పట్టీపై త్రీడీ ముద్రిత సూక్ష్మ సూదులను అమర్చడం ద్వారా దీన్ని సిద్ధం చేశారు. తక్కువ మోతాదు కలిగిన, నొప్పి కలిగించని టీకాలను వేగంగా అభివృద్ధి చేయడానికి ఇది పునాదులు వేస్తుందని పరిశోధన బృందానికి నేతృత్వం వహించిన జోసెఫ్‌ డి సైమోన్‌ పేర్కొన్నారు. ఫ్లూ, మీజిల్స్, హెపటైటిస్, కొవిడ్‌-19 టీకాలు ఇవ్వడానికి అనుగుణంగా ఈ సూక్ష్మసూదుల్లో మార్పులు చేపట్టవచ్చని వివరించారు. వీటికి టీకా పూత ఉంటుంది. ఈ సూదులు చర్మంలో కరిగిపోతాయి.  ఈ పట్టీని చర్మానికి అతికించుకోవడం ద్వారా ఎవరికివారే టీకా పొందొచ్చు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని