Black Fungus: బ్లాక్‌ఫంగస్‌కు ‘పతంజలి’ నాసికా ఔషధం

దిల్లీ: బ్లాక్‌ ఫంగస్‌ (మ్యుకర్‌మైకోసిస్‌) వ్యాధిపై పనిచేసే సరికొత్త ఆయుర్వేదిక్‌ నాసికా ఔషధాన్ని (నేసల్‌ డ్రాప్‌)ను అభివృద్ధి చేసినట్లు పతంజలి సంస్థ వెల్లడించింది. ‘అనూ తైల’ పేరిట పతంజలి రీసెర్చ్‌ ఇన్‌స్టిట్యూట్‌ శాస్త్రవేత్తల బృందం దీన్ని కనుగొన్నట్లు ఓ ప్రకటనలో తెలిపింది. ఇందుకు గాను అధునాతన సాంకేతిక విధానాలతో లోతైన పరిశోధన జరిగినట్లు పేర్కొంది. పరిశోధన వివరాలు ‘ది జర్నల్‌ ఆఫ్‌ అప్లైడ్‌ మైక్రోబయాలజీ’లో ప్రచురితమయ్యాయి. ప్రాచీన ఆయుర్వేద ఔషధాలకు మరింత ప్రాచుర్యం కల్పించే దిశగా ఇది ఓ ముందడుగుగా పతంజలి పేర్కొంది.