Updated : 20/06/2021 07:52 IST

Corona: కొవిడ్‌తో మెదడులో ‘మ్యాటర్‌’ తగ్గుతోంది

లండన్‌: కొవిడ్‌-19 నుంచి కోలుకున్నవారిలో మెదడులో గ్రే మ్యాటర్‌ తగ్గిపోతున్నట్లు శాస్త్రవేత్తలు గుర్తించారు. వారి స్కాన్లను పరిశీలించినప్పుడు ఈ విషయం వెల్లడైంది. బ్రిటన్‌లోని ఆక్స్‌ఫర్డ్‌ విశ్వవిద్యాలయ శాస్త్రవేత్తలు ఈ పరిశోధన చేశారు. కొవిడ్‌ కేవలం శ్వాసకోశ ఇన్‌ఫెక్షన్‌ కాదని, కొందరిలో ఇది మెదడుపైనా ప్రభావం చూపుతుందని ఇప్పటికే జరిగిన పరిశోధనల్లో వెల్లడైంది. పక్షవాతం, డిమెన్షియా వంటి సమస్యలకు ఇది దారితీయవచ్చని అధ్యయనాలు తేల్చాయి. తాజాగా గ్రే మ్యాటర్‌ కూడా తగ్గిపోతోందని వెల్లడైంది. మెదడులో సమాచారాన్ని ప్రాసెస్‌ చేయడంలో ఈ పదార్థం కీలక పాత్ర పోషిస్తుంది. తద్వారా వ్యక్తులు తమ కదలికలు, జ్ఞాపకశక్తి, భావోద్వేగాలను నియంత్రించుకోగలుగుతారు. గ్రే మ్యాటర్‌లో లోపాల వల్ల నాడీ కణాలు, కమ్యూనికేషన్‌ వ్యవస్థల పనితీరుపై ప్రభావం పడుతుంది. బ్రిటన్‌లోని ‘బయో బ్యాంక్‌’ నుంచి సేకరించిన సమాచారాన్ని విశ్లేషించిన శాస్త్రవేత్తలు.. కొవిడ్‌ బాధితుల్లో గ్రే మ్యాటర్‌ తగ్గుతున్నట్లు గుర్తించారు. కొవిడ్‌కు ముందు, ఆ తర్వాత వారి మెదడుకు తీసిన స్కాన్లను పోల్చడం ద్వారా దీన్ని నిర్ధారించారు. మెదడులో వాసన, రుచి, జ్ఞాపకశక్తికి సంబంధించిన ప్రాంతాల్లో గ్రే మ్యాటర్‌ తగ్గుతున్నట్లు తేల్చారు. ఈ మార్పులన్నీ మెదడులోకి కొవిడ్‌ వ్యాధి లేదా వైరస్‌ వ్యాప్తిని సూచిస్తున్నాయా అన్నది తేల్చేందుకు పరిశోధనలు చేయాల్సిన అవసరముందని శాస్త్రవేత్తలు తెలిపారు.

 

 

 

 

 

 

 

 

 

 

 

 

 

 

 

 

 

 

 

 



 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని